57 a 67 kaqchö imakunapaq willakunqan
Jehoväqa alläpa puëdeq Gobernantim, tsëmi imëkatapis poderninchö katsir llapanta controlëta puëdin. Jeremïastam salvarqan juk pözuchö wanunampaq këkaptin. Sadracta, Mesacta y Abednëgutapis rawrëkaq o lunyëkaq hornupitam salvarqan, y Danieltanam leonkunapita salvarqan. Estertapis markanta salvanampaqmi yanaparqan. Jehoväqa manam permitinqatsu imëyaqpis sufrir sïguinantsikta, pëqa llapan mana allikunatam ushakätsinqa. Juk jatun monumentupaq y jatun montipaq o qerupaq Bibliachö willakunqanmi rikätsimantsik, llapan mana allikunata Jehoväpa Gobiernun ushakäratsiptinqa pëllana gobernamunampaq kaqta.