68 a 73 kaqchö imakunapaq willakunqan
Këchöqa yachakushun Griëgu Idiömachö Qellqayanqan Diospa Palabrampitam. Yachakushunmi Jesus waktsa familiachö yurikunqanta y carpintëru papäninwan trabajanqanta. Jesustaqa nunakunata salvanampaqmi Jehovä mandamurqan, y ciëluchö Gobernanti kanampaqmi akrarqan. Wamrëkikuna kaptinqa, Jehovä juk alli familiata Jesusta shumaq cuidayänampaq akranqanta yachatsi. Tsëpitana yachatsi Jesusta Herödis wanutsita munaptin Jehovä imata ruranqanta. Yarpäshun, Jehovä munëninta cumplinanta manam imapis michëta puëdintsu. Y yachatsi Jesuspaq nänita alistanampaq Bautizakoq Juanta Jehovä akranqanta. Y yachatsinëkim Jesusqa wamra kanqampita Jehoväpita yachakuy gustanqanta y kikinman confiakunampa rantin Jehoväman llapan shonqunwan confiakunqanta.