87 a 93 kaqchö imakunapaq willakunqan

Llapantsikmi jutsa ruraq kantsik, tsëmi Jesusqa noqantsikrëkur wanunampaq Patsaman shamurqan. Y wanutsishqa kayaptimpis, pëqa vencirqanmi kë munduchö imëka mana allikunata. Pëqa humildim karqan, tsëmi wakinkunata sirwirqan y mana allita rurayaptimpis perdonarqan. Jehoväqa tsurinta manam dejarqantsu, tsëmi kawaritsirqan. Y kawarirkamurmi Jesusqa qateqninkunata yuripurqan, y chaskiyanqan carguta imanö cumpliyänampaq kaqtam yachatsirqan. Wamrëkikuna kaptinqa, Jesus mandakunqanta cumpliyänampaq y valorayänampaq yachatsi.