Shamoqkunapaq willakïkuna

REUNIONKUNA

BETELCHÖ YANAPAKOQKUNA. Betelchö sirwita munaqkuna Perüchö täraq hasta 35 watayoq bautizädu publicadorkunam, Betelchö yanapakïta munaqkunapaq viernis tardi juk reunionman ëwëta puëdiyanqa. Puntallapitanam willakayämunqa mëchö y imë höra kanampaq kaqta.

DIOSPA GOBIERNUMPITA YACHATSIKOQKUNAPAQ ESCUËLA. Jehoväta mas sirwita munaq precursorkunatam invitariyaq tsë escuëlaman ëwëta munaqkunapaq reunionman domingu tardi ëwayänëkipaq, y tsëmanqa 23-65 watayoq precursorkunam ëwëta puëdiyan. Puntallapitanam willakayämunqa mëchö y imë höra kanampaq kaqtapis.

SHAMOQKUNAPAQ WILLAKÏKUNA

ACOMODADORKUNA. Acomodadorkunaqa yanapayäshunëkipaqmi këkäyan. Pëkuna niyäshunqëkinölla rurë, cärru cuadrakunan sitiuchö, pasadïzukunapa purirnin, asientukunata rakirnin y maskunachöpis.

ASIENTUKUNA. Wakinkunapaqpis yarpäriyänëkipaqmi rogariyaq. Qamwan cärruchö ëwaqkunallapaq, juntu täräyanqëkikunallapaq o qamwan Bibliata estudiaqkunallapaqmi asientutaqa rakinëki. Mana täkunëkipaq asientukunamanqa cösasnikikunata ama churëtsu.

BAUTISMU. Säbadu qoya bautizakoqkunapaq discursu manaraq qallaptinmi, pëkunapaq rakishqa asientukunachö täkuyanman. Llapankunam apayämunman juk toällata y yakuman yëkuyänampaqnö röpata. Plataformapa frentinchömi pëkunapaq asientu rakishqa kanqa. Ima cambiukunapis kaptinqa tiempuwanmi willakayämunqa.

OQRAKASHQA CÖSASKUNAPAQ. Imallatapis oqrakashqata tarirninqa, Oqrakashqa Cösaskunapaq neq sitiuman apari. Imatapis oqrashqa karninqa, Oqrakashqa Cösaskunapaq neqman ëwë. Jina tsëmanqa apankimanmi teytankunapita rakikar oqrakashqa wamrakunatapis. Tsënö kaptimpis, manam wamrakunata cuidayänampaqtsu tsë sitiutaqa patsätsiyashqa. Teytakuna, wamrëkikunapita alkäbulla këkäyë y lädïkikunallachö katsiyë.

QELLËWAN YANAPAKUNAPAQ. Kë asamblëa rurakänampaqqa mëtsika gastukunam rurakashqa, asientukunapaq, shumaq wiyanapaq y pantällachö rikänapaq y maskunapaqpis, tsëkunam yanapakun asamblëata shumaq wiyakunapaq y Jehoväman mas witinapaq. Cäjakunaman ëkallatapis winarinqantsikmi yanapakunqa gastukunata pagakunapaq y alli willakïkuna më tsëman chänampaq. Tsëpaqmi entëru localman señalashqa cäjakunata churayämushqa. Agradecikuyaqmi qellënikikunata ëkallatapis winariyanqëkipita. Jehoväpa Testïgunkunata Pushaqkunaqa agradecikuyäshunkim Diospa Gobiernunta yanaparnin ëkallatapis qoyanqëkipita.

QESHYANAQKUNATA YANAPAQKUNA. Këqa imapis ALLÄPA GRÄVI pasakuptinlla kanampaq kaqtam yarpänëki.

YANAPAKÏTA MUNAQKUNA. Asamblëachö imëka rurëkunachö yanapakïta munarninqa Yanapakïta Munaqkuna neq sitiuman witiri.