Shamoqkunapaq willakïkuna

PRECISAQ REUNION

DIOSPA GOBIERNUMPITA YACHATSIKOQKUNAPAQ ESCUËLA. Jehoväta mas sirwita munaq precursorkunatam invitariyaq, tsë escuëlaman ëwëta munaqkunapaq reunionman, domingu tardi ëwayänëkipaq. Tsëmanqa 23 watapita hasta 65 watayoq precursorkunam ëwëta puëdiyan. Mëchö y imë höra kanampaq kaqtaqa, plataformapitam willakayämunqa.

SHAMOQKUNAPAQ WILLAKÏKUNA

ACOMODADORKUNA. Acomodadorkunaqa yanapayäshunëkipaqmi këkäyan. Pëkuna niyäshunqëkinölla rurë: cärru cuadrakunan sitiuchö, pasadïzukunapa purirnin, asientukunata rakirnin y maskunachöpis.

ASIENTUKUNA. Wakinkunamampis yarpäyänëkipaqmi rogariyaq. Asientutaqa, familiëkillapaq, qamwan cärruchö ëwaqkunallapaq, juntu täräyanqëkikunallapaq o qamwan Bibliata estudiaqkunallapaqmi rakinëki. Mana täkunëkipaq asientukunamanqa ama cösasnikikunata churëtsu.

BAUTISMU. Säbadu qoya bautizakoqkunapaq discursu manaraq qallaptinmi, bautizakoqkunaqa pëkunapaq rakishqa asientukunachö täkuyänan. Llapankunam juk toällata y yakuman yëkuyänampaqnö röpata apayämunan. Plataformapa frentinchömi pëkunapaq asientu rakishqa kanqa. Ima cambiukunapis kaptinqa, tiempuwanmi willakayämunqa.

OQRAKASHQA CÖSASKUNAPAQ. Imallatapis oqrakashqata tarirninqa, Oqrakashqa Cösaskunapaq neq sitiuman apari. Imatapis oqrashqa karninqa, Oqrakashqa Cösaskunapaq neqman ëwë. Jina tsëmanqa apankimanmi teytankunapita rakikar oqrakashqa wamrakunatapis. Tsënö kaptimpis, tsë sitiutaqa manam wamrakunata cuidayänampaqtsu patsätsiyashqa. Teytakuna, wamrëkikunapita alkäbulla këkäyë y lädïkikunallachö katsiyë.

QELLËWAN YANAPAKUNAPAQ. Kë asamblëa rurakänampaqqa mëtsika gastukunam rurakashqa: asientukunapaq, shumaq wiyanapaq, pantällachö rikänapaq y maskunapaqpis. Tsëkunam yanapakun asamblëata shumaq wiyakunapaq y Jehoväman mas witinapaq. Cäjakunaman ëkallatapis winarinqantsikmi, gastukunata pagakunapaq y alli willakïkuna më tsëman chänampaq yanapakunqa. Tsëpaqmi entëru localman señalashqa cäjakunata churayämushqa. Agradecikuyaqmi qellënikikunata ëkallatapis winariyanqëkipita. Jehoväpa Testïgunkunata Pushaqkunaqa, agradecikuyäshunkim Diospa Gobiernunta yanaparnin ëkallatapis qoyanqëkipita.

QESHYANAQKUNATA YANAPAQKUNA. Imapis ALLÄPA GRÄVI pasakuptinlla tsëman ëwanëkipaqmi yarpäratsiyaq.

YANAPAKÏTA MUNAQKUNA. Asamblëachö imëka rurëkunachö yanapakïta munarninqa, Willakïkuna y Yanapakïta Munaqkuna neq sitiuman witiri.