14 KAQ YACHATSIKÏ

Mas precisaq yachatsikïkunata rikätsikï

Hebrëus 8:1

KËPAQMI PARLAN: Discursïkichö imata nikanqëkita alli entiendiyänampaqmi yanapanëki y llapan ninqëkim yachatsikïkanqëkipita o discursïkipa tïtulumpita parlanan y manam qonqanëkitsu imata rurayänampaq yanapëta munanqëkita.

¿IMANÖTAQ RURASHWAN?

Imatataq logrëta munanki. Preparakunqëki höram këkunaman pensanëki: imatapis musyayänanllataku munanki, imapitapis convencïdu kayänantaku munanki o imallachöpis mas alli kayänantaku munanki. Yachatsikunqëki imakunachö yanapanampaq kaqmanmi pensanëki.

Kikiki kënö tapukï: “¿Kë yachatsikunäpaq kaqkunapita mëqan kaqtaraq puntata musyëta munayanman y mëqantaraq tsëpitaqa?”. Tsëpitanam, tsëta cuentachö katsirnin, imanö yachatsikunëkipaq kaqta qallanampita ushananyaq patsätsinëki. Tsënöpam yachatsikunqëkita shumaq qatiyanqa, entiendiyanqa y rurayanqa.
Imapita yachëkätsinqëkita rikätsikï. Yachatsikunqëkimannömi, rikätsikunëki imapaq parlëkanqëkita, tsëpaqqa parlëkanqëkita rikätsikoq palabrakunatam ninëki o juk palabrakunawan entienditsikunëki.
Mas precisaq yachatsikïninkunata shumaq entienditsikuri. Yachatsikunëkipaq kaqta mas cläru entienditsikoq yachatsikïllata akrë y ëka tiempu ruranëkipaq ninqannölla rurë. Juk ishkëllatam akranëki y allim entienditsikunëki. Juk yachatsikïpita qateqnin kaqman pasanëkipaq ichik jamari.

Discursïkita qallarirllam imakunata yachatsikunëkipaq kaqta willakunëki y tsënöllam usharirpis ruranëki. Tsënöpam imapaq parlanqëkita musyayanqa y yarpäyanqa.