Estudiarninqa mas principal kaqkunata yarpänëkipaq kallpachakuy

¿Rasllaku o sasllaku yachakunqëkikunata qonqarinki? Llapantsiktapis höraqa tsëmi pasamantsik. Peru ¿imatan yanapamäshun yachakunqantsikkunata mana qonqanapaq? Mas principal kaq yachatsikuyninkunata yarpanqantsikmi.

Imata yachakuykanqëkiman pensanëkipaqmi tiemputa rakinëki. Yachakuykäyanqanman pensayänampaqmi apostol Pablupis cartakurnin wawqi panikunata kënö nirqan: “Parlëkanqantsik asuntuchö mas väleqqa këmi” (Heb. 8:1). Tsënö nirmi wawqi panikunata yanaparqan imapaq parlapëkanqanta mas cläru entiendiyänampaq.

Tsëmi cada estudiëta usharirnin 10 minütusllatapis rakinëki mas principal kaq yachatsikuyninkunata yarpänëkipaq. Yachakunqëkikunata mana yarparqa, yarpänëkipaq subtïtulukunata o cada pärrafupa qallananta leyiri. Mana musyanqëki kaqkunata tsëllaraq yachakurqa, kikiki parlakunqëkinö entienditsikuyta procurë. Yachakunqëkikunapa mas principal kaq yachatsikuyninkunata yarparqa, yachakunqëkinömi kawakunki.