WATUKAQ KUTINËKIPAQ
7 KAQ YACHAKUNËKIPAQ
Ama watukëta dejëtsu
Bibliachö kënö ninqanman pensë: “Alli noticiakunata[m] mana dejëpa yachatsikur y willakur sïguiyarqan” (Hëch. 5:42).
¿Imatataq Pablu rurarqan?
1. VIDEUTA rikë o Hëchus 19:8 a 10 ninqanta leyi. Tsëpitana këkunaman pensë:
Pablu yachatsikunqanta wakinkuna wiyakuyta mana munayaptimpis, ¿imanötan musyantsik yachatsikuyta mana dejanqanta?
¿Cada ëka tiemputataq yachakuyta munaqkunata Pablu parlapaq, y ëka tiempupatan tsënö rurarqan?
¿Imatataq yachakuntsik Pablu ruranqampita?
2. Nunakunata watukaq kutinapaq y Bibliapita yachatsinapaqqa, tiempuntsiktam rakinantsik y alliran kallpachakunantsik.
Pablu ruranqannö rurë
3. Tiempun kanqan höra watukanëkipaq kallpachakuy. Këkunaman pensë: “¿Imëtan watukaq ëwëta puëdï? ¿Imë watukaq ëwanätataq munan? ¿Mëchö tinkuyänätataq munan?”. Qampaq mana fäcil kaptimpis, tiempun kanqan höra watukaq kutinëkipaq kallpachakuy.
4. Imë watukëta puëdinqëkita tapuy. Manaraq ëwakurnin imë junaq y imë höra yapë watukanëkipaq kaqta tapuy. Tsëpitaqa puëdinqan höra watukanëkipaq kallpachakuy.
5. Ama watukëta dejëtsu. Wayinchö mana tarirqa o alläpa ocupädu kaptinqa, ama pensëtsu mana yachakuyta munanqanta (1 Cor. 13:4, 7). Mana dejëpa kutin kutin asheq ëwë, peru tiempuykitaqa imëpis alli provechë (1 Cor. 9:26).