BIBLIAPITA YACHATSINËKIPAQ
10 KAQ YACHAKUNËKIPAQ
Ama yachatsita dejëtsu
Bibliachö kënö ninqanman pensë: “Listu[m] këkäyarqä, Diospita alli noticiakunata kushishqa willayänaqpaq y qamkunata yanapayarniki vïdäkunatapis entregayänäpaq” (1 Tes. 2:8).
¿Imatataq Jesus rurarqan?
1. VIDEUTA rikë o Juan 3:1 y 2 ninqanta leyi. Tsëpitana këkunaman pensë:
¿Imanir-raq Nicodëmuqa paqasllapa Jesusta ashirqan? (Rikäri Juan 12:42 y 43 ninqanta).
¿Imanötan Jesusqa rikätsikurqan qateqnin kayänampaq nunakunata yanapëta munanqanta?
¿Imatataq yachakuntsik Jesus ruranqampita?
2. Nunakunata kuyarmi Jesuspa qateqnin kayänampaq yanapëta munantsik.
Jesus ruranqannö rurë
3. Puëdinqan höra y munanqan sitiuchö Bibliapita yachatsi. ¿Tal dia o tal höra yachatsinëkitaku munan? ¿Mëchöraq mas alli kanman Bibliapita yachatsinëkipaq: trabäjunchö, wayinchö o juk sitiuchötsuraq? Puëdirqa, puëdinqan hörachö Bibliapita yachatsi.
4. Ama Bibliapita yachatsita dejëtsu. Parlayanqëki junaq mana ëwëta puëdirqa, ama tsë semänaqa mana yachakuyänëkipaq kaqta nitsu. Tsëpa rantinqa, capaz këkunata rurankiman:
Juk junaq yachakuyänëkipaqmi nirinkiman.
Telëfunupa, Zoompa o maskunapam yacharatsinkiman.
Juk wawqita o panitam nirinkiman yachatseq ëwanampaq.
5. Imëpis alli kaqta pensanëkipaq Diosman mañakuy. Cada semäna yachakuyänëkipaq o yachakunqannö ruranampaq mana kallpachakuptimpis, Jesuspa qateqnin kanampaq yachatsir sïguinëkipaq Jehoväman mañakuy (Filip. 2:13). Imakunachö alli këkanqanman pensanëkipaq Jehoväman mañakuy. Tsëqa, ¡capazchi atskachöna alli këkanqanta cuentata qokunki!