BIBLIAPITA TAPUKÏKUNA
¿Pikunataq ciëluta ëwayan y imapaq?
Cäsi llapan nunakunam wanurirnin ciëluta ëwëta munayan. Jesusqa nirqan mana jaqishpa sirweq apostulninkuna tsëchö täräyänampaq kaqtam. Manaraq wanurninmi, awnikurqan Teytampa lädunchö pëkunapaq sitiuta alistanampaq kaqta. (Leyi Juan 14:2.)
¿Imanirtaq wakin nunakuna ciëluchö täräyänampaq kawariyämunqa? ¿Imataraq tsëchö rurayanqa? Jesusmi apostulninkunata nirqan reynö ciëlupita patsë nunakunata gobernayämunampaq kaqta. (Leyi Lücas 22:28-30 y Apocalipsis 5:10.)
¿Rasumpaku llapan alli nunakuna ciëluman ëwayan?
Juk nacionta wallkaq nunakunalla gobernayanqannömi, Patsatapis wallkaq nunakunalla gobernayanqa, pëkunataqa Jesusmi akran ciëluchö kawayänampaq (Lücas 12:32). Bibliam willakun ëkaq kayanqanta. (Leyi Apocalipsis 14:1.)
Jesusqa ciëluchömi qateqninkunapaq juk sitiuta alistashqa. ¿Musyankiku tsëchö imata rurayänampaq kaqta?
Pëkunalla ciëluta ëwarnimpis, manam pëkunallatsu shamoq tiempuchö shumaq kawakuyanqa. Sinöqa Jesuspa gobiernunta cäsukoqkunapis mushoqyashqa Patsachömi imëyaqpis kawakïta puëdiyanqa (Juan 3:16). Wakinkunam kë mana alli mundu ushakaptin salvakuyanqa, y wakinkunanam shumaq Patsachö kawariyämunqa. (Leyi Salmu 37:29 y Juan 5:28, 29.)