¿Imanirtaq nunakuna Diosman mañakuyan?

¿Qamqa Diosman mañakunkiku? Mëtsikaq nunakunam tsëta rurayan y hasta Diosman mana creeqkunapis mañakuyanmi. ¿Imanir-raq Diosman mana creikarqa mañakuyan? Juk willakoqmi nin, Franciachöqa, cäsi pullan nunakuna alli sientikuyänanrëkurlla höra mañakuyanqanta o yarpachakuyanqanta. Jina Euröpachöpis tranquïlu sientikuyänanrëkurllam mañakuyan y manam Diosmantsu. Jina Diosman creeqkunapis, ima problëmapapis pasarnin y imatapis wanarninllam Diosman mañakuyan (Isaïas 26:16).

¿Y qamqa imanirtaq Diosman mañakunki? Diosman creirninqa, ¿rikankiku mañakïnikikunata wiyanqanta y contestamunqanta? Bibliachö mañakïpaq parlarqa, manam alli sientikunëkillapaqtsu yachatsikun, sinöqa, Diosman imanö witinapaq kaqtam yachatsikun.