BIBLIAPITA TAPUKÏKUNA

¿Imatataq wanayan wamrëkikuna Diosta kuyayänampaq?

Wamrëkikunaqa Diosta kuyayanqa pë rasumpa kanqanta y kuyanqanta següru karmi. Jina precisanmi reqiyänampis (1 Juan 4:8). Tantiyarinapaq, musyayänanmi Dios nunakunata imapaq kamanqanta, imanir sufrimientukunata permitinqanta y shamoq tiempuchö noqantsikpaq imata ruranampaq kaqtapis. (Leyi Filipensis 1:9, NTCN.)

Wamrëkikuna Diosta kuyayänampaqqa, pëta qam kuyanqëkitam rikäyänan, tsënölla pëkunapis rurayänampaq. (Leyi Deuteronomiu 6:5-7 y Proverbius 22:6.)

¿Imatataq rurayankiman wamrëkikuna Diosta kuyayänampaq?

Diospa Palabranqa alläpa poderyoqmi (Hebrëus 4:12). Wamrëkikunata yanapë Bibliapa mas precisaq kaq yachatsikïninkunata yachakuyänampaq. Wamrëkikunapa shonqunman chayänëkipaqqa qateqninkunata Jesus yachatsinqannöllam yachatsinëki: Tapupë, ninqanta shumaq wiyë y shumaq entienditsi. (Leyi Lücas 24:15-19, 27, 32.)

Jinamampis, Bibliachö willakïkunata yapë yachakuriyë, kuyakïwan Dios nunakunata tratanqampita. Tsënöpam, Kamakoqninkunata mas alli reqiyanqa y mas kuyayanqa. www.jw.org/que neqchömi tarinki mas yanapakïkunata. (Leyi 2 Timoteu 3:16.)