¿Imëllapis manana sufrir kawakushuntsuraq?

BIBLIACHÖ YACHATSIKUNQAN

‘Teyta Diosmi, nawinkunapita llapan weqita limpianqa, y nunakunaqa manam wanuyanqanatsu o wañuyanqanatsu, llakikuyanqanatsu, waqayanqanatsu ni nanatsikuyanqanatsu’ (Apocalipsis 21:3, 4).

¿IMANÖTAN TSËTA MUSYANQANTSIK YANAPAMANTSIK?

Mana allikunawan Dios mana sufritsikunqanta musyanapaq (Santiägu 1:13).

Diosqa entiendinmi sufrishqa, y alläpa mana llakikunapaqmi yanapamantsik (Zacarïas 2:8).

Shamoq tiempuchö manana sufrimientu kanampaq kaqtam musyashun (Salmus 37:9-11).

¿IMANIRTAN BIBLIA NINQANMAN CREISHWAN?

Këkunarëkurmi:

• Diosqa manam munantsu nunakuna sufriyänanta y mana allipa pasayänanta. Unë tiempuchömi sirweqninkunata mana alli tratayarqan, tsëmi Jehovä Diosqa llakikurqan. Bibliachömi kënö nin: “Waqayaptin y chikeqninkuna sufritsiyaptinmi llakipaq” (Juëces 2:18).

  Diospaqqa mana allim, nunakuna kikinkunapura sufritsinakuyanqan. Bibliachöqa nin “culpannaq nunakunata wanutsiyanqan” mana alli kanqantam (Proverbius 6:16, 17).

• Diosqa cada nunapaqmi yarparan. Qam shonquykichö llakikunqëkita y sufrinqëkita, pï mana musyanqanta pensaptikipis Jehoväqa musyanmi (2 Crönicas 6: 29, 30).

  Jehovä Dios gobernamuptinqa, nunakuna mananam sufriyanqanatsu (Mateu 6:9, 10). Tsëyaqqa kuyakoq karmi, asheqnin nunakunata yanapëkanqa (Hëchus 17:27; 2 Corintius 1:3, 4).