¿Pitan kë munduta gobernan?

¿Pï ninkimanraq?

BIBLIACHÖ YACHATSIKUNQAN

“Kë munduchö nunakunaqa Diablupa poderninchömi këkäyan” (1 Juan 5:19).

“Kërëkurmi Diospa Tsurinqa shamurqan: Diablu ruranqankunata ushakätsinampaq” (1 Juan 3:8).

Entëru Patsachö problëmakuna imanir pasanqanta musyanapaq (Apocalipsis 12:12).

Kë munduchö problëmakuna ushakänampaq kaqta musyanapaq (1 Juan 2:17).

Këkunarëkurmi:

Satanaspa gobiernunqa ushakanqam. Jehoväqa kë munduta gobernëkaq Satanastam ushakäratsinqa. Diosqa änikun “Diabluta [...].mana kaqman tikratsinampaq” y llapan mana alli ruranqankunata altsamunampaqmi (Hebrëus 2:14).
Diosqa Jesustam kë munduta gobernanampaq akrashqa. Kë munduta kanan witsan gobernaqqa pasëpa mana allim, peru Jesus kë Patsachö gobernamuptinqa jukläyam kanqa. Tsëmi Teyta Diosqa këta änikun: ‘Waktsakunata y humildikunatam llakipanqa y sufritseqninkunapita y maqaqninkunapitam salvanqa’ (Salmus 72:13, 14).
Diosqa manam ulikuntsu. Bibliaqa clärum nin: “Teyta Dios mana ulikunqanta o llullakunqanta” (Hebrëus 6:18). Jehovä imatapis änikurninqa cumplimunqam, tsëpitam següru kanantsik (Isaïas 55:10, 11). Tsëmi änikun, “nunakunata gobernaq waqtaman qarqushqa” kanampaq (Juan 12:31).

¿Imanöraq kë mundu kanqa Satanas manana gobernaptin?

Respuestantaqa tarinki kë textukunachömi SALMUS 37:10, 11 y APOCALIPSIS 21:3, 4.