¿Diospa Gobiernumpaq parlaqta wiyarqunkiku?

BIBLIACHÖ YACHATSIKUNQAN

‘Ciëluchö Teyta Diosqa juk gobiernutam churamunqa. Tsë gobiernutaqa manam ni pï ushakätsinqatsu’ (Daniel 2:44).

“Juk ollqu wamratam chaskirquntsik. Pëmi gobernanampaq autoridäta chaskinqa” (Isaïas 9:6).

¿IMANÖTAN TSËTA MUSYANQANTSIK YANAPAMANTSIK?

• Alli gobiernu karmi alli kawakunapaq yanapamäshun (Isaïas 48:17, 18).

• Ichik tiempullachönam kushishqa y mana qeshyashpa kawakushun (Apocalipsis 21:3, 4).

¿IMANIRTAN BIBLIA NINQANMAN CREISHWAN?

Këkunarëkurmi:

• Jesusqa rikätsikurqan Diospa Gobiernunchö ruranampaq kaqkunatam. Jesusqa qateqninkunatam yachatsirqan Diospa Gobiernun shamunampaq y kë Patsachö Diospa munënin rurakänampaq kaqta mañakuyänampaq (Mateu 6:9, 10). Y rikätsikurqanmi tsë mañakuyanqan imanö cumplikänampaq kaqtapis.

  Jesusqa kë Patsachö këkarmi, mallaqëkaqkunata mikuynin qararqan, qeshyëkaqkunata alliyätsirqan y wanushqa o wañushqa nunakunatapis kawatsimurqan (Mateu 15:29-38; Juan 11:38-44). Diospa Gobiernunchö mandakunampaqna karmi, nunakunapaq imëka allita ruramunampaq kaqta rikätsikurqan (Apocalipsis 11:15).

• Kë munduchö pasanqanmi rikätsikun Diospa Gobiernun ichikllachöna Patsachö gobernamunampaq kaqta. Jesusqa willakurqan Diospa Gobiernun Patsachö manaraq gobernaptin, guërrakuna, mallaqë y terremötukuna kanampaq kaqtam (Mateu 24:3, 7).

  Tsëkuna pasanqantam kanan witsan rikantsik. Tsëmi següru kanantsik Diospa Gobiernun tsë llapanta ichik tiempullachöna altsamunampaq kaqta.