BIBLIAPITA TAPUKÏKUNA
¿Puëdintsikku Diospita rasumpa kaqta yachakïta?
¿Imanirtaq Diosqa munan rasumpa kaqta reqinata? Leyi Juan 17:3
Diosqa nunakunamanmi willakamushqa. Tsëtaqa rurashqa, Biblia qellqaqkunapa pensëninman, santu espirïtunwan o kallpanwan imata pensanqanta churamurmi (2 Pëdru 1:20, 21). Tsëmi, Diostaqa alli reqita puëdintsik Palabranta leyirnin (Leyi Juan 17:17, NM y 2 Timoteu 3:16.)
Diosqa Bibliachömi kikimpita imëkata willamantsik. Imanir nunakunata kamanqanta, imata nunakunapaq ruranampaq kaqta y imanö portakunata munanqantam nimantsik (Hëchus 17:24-27). Pëpita rasumpa kaqta yachakunantsiktam, Jehoväqa munan. (Leyi 1 Timoteu 2:3, 4.)
¿Imatataq Dios pensan rasumpa kaqta asheqkunapita?
Jehoväqa rasumpa kaqta katseq Diosmi y Tsurin Jesucristutam mandamurqan yachatsimänapaq. Tsëmi rasumpa kaqta asheqkunaqa Jesus yachatsikunqankunata chaskikuyan (Juan 18:37). Tsënö nunakuna adorayänantam Diosqa munan. (Leyi Juan 4:23, 24.)
Diospaq mana alli yachatsikïkunawanmi, Satanasqa michäkushqa nunakuna Diosta reqiyänanta (2 Corintius 4:3, 4). Rasumpa kaqta musyëta mana munaqkunaqa, kushikuyan mana alli yachatsikïkunallawanmi (Romänus 1:25). Kanankunaqa millonyëpayan nunakunam Bibliata yachakurnin, Diospita rasumpa kaqta tariyan. (Leyi Hëchus 17:11.)