Allapa valeq Jehová Dios sirwina: Ellukäna Wayikuna rure
1. ¿Ekatanaraq rurayashqa Ellukäyanan Wayikunata, pishinraqtsuraq?
1 Ecuador, Perú, Venezuela y Colombiapa oficinankunam ruratsiyashqa 505 Jehovapa testigunkuna Ellukäyanan Wayikunata, pasaq pitsqa watakunachonam altsatsiyashqa 150 Ellukäyanan Wayikunata. Grupo de Construcción de Salones del Reino (Ellukäna Wayi ruraqkuna) nishqanta y llapan yanapaqninkunatawanmi allapa agradecikuyan tse alli uryëkayanqampeq. Atskatana Ellukäyanan Wayikunata rurayashqana kayaptimpis, pishinran masta ruranan. Tsepenqa, ¿imanöraq yanapakushwan, Jehovata más sirwinantsikpaq? (Rev. 7:15.)
2. ¿Imanöraq más yanapakushwan kë Ellukäna Wayikuna rurëcho?
2 Listu kashun yanapakunapaq: Qam bautizakushqana karqa invitadum kanki, Solicitud para el programa de voluntarios de construcción de Salones del Reino nishqanta llenanekipaq, tsenopam yanapakunki tse Ellukäna Wayikuna rurëcho uryaqkunata (Sal. 110:3). Llapan tsecho voluntanin kaptin uryaqkunaqa listum kayanman, imekachöpis yanapanakïllapa uryayänampaq (Sal. 133:1). Tse wayikuna rureta mana yacharnimpis, yanapakunkimanmi llapan alli yarqunampaq. Tsechomi yachakunki, yape más wayikunata rurayaptin yanapakunëkipaq.
3. ¿Imanotaq hina rikarätsishwan Ellukäna Wayi rurëcho yanapakïnintsikta?
3 Mana kikintsik eweta puedirqa, wakin puedeqkunatam yanapashwan pekuna yanapakoq ewayänampaq. Hina quizasmi congregacioncho rurayananta yanapashwan pekuna huk Ellukäna Wayita rurarnin uryekayaptenqa. Ancianukunash alli arregluta rurayanman yanapakoq ewkuyaptin, wakin congregacioncho quedaqkuna mana resentikuyanampaq. Jehovaqa allapam kushin noqantsik tseno yanapakurnin pepaq uryashqa (Heb. 13:16).
4. ¿Imanotaq hina yanaparishwan Ellukäna Wayi rurëcho uryaqkunata?
4 Animashun uryaqkunata: Diosnintsik mañakuna wayikunata rurananqa afanmi, alli uryanataran necesitan. Tsemi Ellukäna Wayi rurëcho yanapakoqkuna, talvis puediyantsu congregacionninkunacho reunionman eweta. Tsemi imepis kushishqa más animapärishwan, tse ellukäna wayi rurëcho yanapakoqkunata, pekunam alleq uryarnin atiendikayamun necesitanqantsikkunata (Hech. 6:3; Rom. 14:19).
5. ¿Imanotaq rikätsikuyan igual kayanqanta, Ellukäna Wayi rurëcho yanapakoqkuna?
5 Llapancho igual kashun: Diospa Reinumpaq willapäkinintsiktam puntataqa ruranantsik (Mar. 13:10). Tseta yarparninmi, Ellukäna Wayi rurëcho uryaqkunaqa, imanopapis uryakïninkunatam alleq dispunian, tsenopa yanapaqninkuna mana congregacioninkunaman faltayänampaq. Hina tse yanapakoqkunaqa, congregacioncho ima rurayänantapis igualmi rurayanman. Tsemi illäkurnenqa puntata willakuyanman, congregacioncho rurananta wakinkuna alli rurayäpunampaq.
6. ¿Imanöraq kanqa, llapan congregación yanapanakur Jehovapaq uryayaptenqa?
6 Apóstol Pablum nerqan llapan congregacioncho kaqkuna yanapanakurninmi huknolla uryayanan, tsenopa “cuerpu winanampaq y kikimpa kuyakïnimpis alliyar más winanampaq” (Efe. 4:16). Tsemi Jehová kuyënintsik yanapamashun alli willakïkunata más willapäkunapaq y Ellukäna Wayikuna rurëcho yanapakunapaq.