¿Maslla yanapakuyta puëdinkimantsuraq?

Unë Diospa sirweqnin Isaïas ninqannömi, Diospa sirweqninkunaqa masna kananqa kayan (Is 54:2). Tsëmi wanantsik: Diospita yachakunapaq wayikunata, asamblëa localkunata y Betel wayikunata rurayänanta. Tsë wayikunata rurarpis, shumaqmi cuidanantsik y altsapänantsik. Y tsëchöqa llapantsikmi yanapakuyta puëdintsik. ¿Imanötan llapantsik yanapakuyta puëdishwan?

• Diospa wayinta pitsapakuychö yanapakurnin.

• Diospa wayinta imanö cuidanapaq yachatsikuyanqanta yachakurnin.

• Y Diospa wayinta o asamblëa localkunata rurayaptin yanapakunapaqqa, Solicitud de voluntario local de diseño y construcción (DC-50) ninqantam llenëta puëdintsik.

• Y täranqantsik markachö juk semänapa o mas tiempupa Betelchö o asamblëa localkunachö yanapakuyta munarqa, Solicitud para el programa de voluntarios (A-19) ninqantam llenëta puëdintsik.

DIOSTA ADORANAPAQ JUK MUSHOQ WAYITA RURAYAN NEQ VIDEUTA RIKÄRIR KË TAPUKUYKUNATA CONTESTË:

• Diospita mas yachakunapaqqa, ¿imanötan 2014 watapita yarqamoq videukunata utilicëkantsik?

• Mas videukunata rurayänampaqqa, ¿imatatan rurayämunqa? Y ¿ëka tiempuchötaq rurar ushayanqa?

• ¿Imanötan tsë trabäjuchö yanapakuyta puëdiyanman?

• Rämapu markachö yanapakuyta munarqa, ¿puntataqa mëchöraqtan trabajayänan?

• ¿Imanötan musyantsik tsë obrata rurayänampaq Jehovä yanapakuykanqanta?

• Rämapuchö mana yanapakuyta puëdirninqa, ¿imanötan juknöpaqa yanapakushwan?