Jehovata servirmi gastakäshun kushishqa
1 Apóstol Pabloqa kushishqam ‘kikin gastakaq willapäkunan-rëkur’ (2 Cor. 12:15). Pëno kaqmi, kanampis atskaq wawqi panikuna alli willapäkoq precursor kayan. Wakin familiayoq kaq wawqi panikunanam, rurakïninkuna këkaptimpis tiempota rakiyan llapan semana willapäkuyänampaq. Wakinkunanam qeshyapäkïkarpis, ichiklla kallpan këkaqta inshiyan willapäkuyänampaq. Tsënö edadyashqana këkarnimpis o tukïta pasëkarnimpis, Jehovata serviqta rikarmi alläpa kushikuntsik.
2 Nuna mayintsikta kuyë: Jehovata kuyarnin servita munar kallpachakushqaqa, y nuna mayintsiktapis kuyarnenqa, kushishqam kawakushun. Apóstol Pablo willapäkunampaq kallpachakushqa karmi, rasumpa kaqta kënö nerqan: “Kanan hunaqmi qamkunata qayayaq yawarpita limpio kanqäta rikäyänëkipaq” (Hech. 20:24, 26; 1 Tes. 2:8). Nunakunata willapänapaq kallpachakushqaqa, manam culpayoqtsu kashun ushakäyanqampita (Eze. 3:18-21).
3 Kushikuntsikmi nuna mayintsikta yanapëta tïrarqa (Hech. 20:35). Huk wawqim kënö nerqan: “Rasumpam utishqa wayïman chärï willapäkonqäpita, tsënö këkarpis kushishqam këkä. Jehová kë kushikïta qomanqantaqa manam mëchöpis tarëmantsu, tsëmi alläpa agradecikü”.
4 Diosta kuyë: Cielocho Teytantsikta kushitsita munarmi, puntata gastakantsik Jehovapa willapäkïnincho. Diosta kuyanqantsikmi yanapamantsik mandamanqantsikno willapäkunapaq, y bautizakuyanqanyaq yanapanapaq (1 Juan 5:3). Nunakuna mana wiyëta munayaptimpis y chikimashqapis, kushishqam y alleqmi uryëkäshun Jehovapaq.
5 Manam kananqa qeläkï witsanchötsu këkantsik, ëllupaki witsëchömi kawëkantsik (Mat. 9:37). Murupakoqqa atska höram uryan ëllupakurnin, murukonqankuna manaraq perdikaptinmi raslla ëllupakunan. Tsënö kaqllam, kanampis ichikllana tiempo espiritual kaq murupakïta ëllupakunapaq. Ama qonqashuntsu ushakë witsanchöna kawëkanqantsikta, tsëmi alleq kallpachakunantsik willapäkicho (Luc. 13:24; 1 Cor. 7:29-31).