Llapantsik yanapanakunapaq
1. ¿Superintendente de circuitopa visïtan imachötaq yanapakun?
1 Roma congregacionmanmi apóstol Pablo kënö cartakorqan: “Qamkunata rikäyënikitam alläpa munä espiritual qarëkunata qoyänaqpaq, tsënöpa alleq tsarakuyänëkipaq; o llapantsik yanapanakunapaq fënintsikchö, qamkunam noqata yanapayämanki y noqanam qamkunata” (Rom. 1:11, 12). Kanan witsanchöpis, superintendente de circuitom shamun congregacionchö “llapantsik yanapanakunapaq”.
2. ¿Imanirtaq superintendentepa visïtanta willakuyan unëllapitana?
2 Congregación: Superintendente de circuito chämunampaqqa willakayämun kima killa pishikaptinnömi, tsë semanapaq alli arreglokunata ruranapaq tsënöpa alli yachakunapaq (Efe. 5:15, 16). Trabajarqa, allichi permisota mañakunkiman willapäkïman yarqunëkipaq. Itsa precursor kankiman visïta witsancho. Illäkïta munarqa, ¿huk hunaqpaq haqirinkimantsuraq visïtachö kanëkipaq?
3. ¿Imataraq rurashwan visïtachö alli yachakunapaq?
3 Superintendente de circuitoqa visitakun congregacionchö kaqkunata shumaq willapänampaqmi, y willapäkïcho yanapanampaqmi. ¿Imanirtaq pëwan yarqunëkipaq mañakunkitsu, o warmin kaptenqa, warminwan yarqunëkipaq? Circuitoqa alläpam kushin llapan wawqi panikunawan willapäkurnin, tsëraq yachakïkaqkunawampis o willapäkïcho yanapakïta wanëkaqkunawampis. Llapantsikmi yachakushwan imanöpis nunakunata willapanqampita y nimanqantsikpitapis (1 Cor. 4:16, 17). Hina wayintsikman mikunampaq invitashqapis, yanapamäshunmi alli kënimpita yachakunapaq (Heb. 13:2). Hinamampis congregacionchö wananqantsikmannömi discursokunata ruramun, tsëmi shumaq wiyakushwan.
4. ¿Imanöraq superintendente de circuitota yanapashwan?
4 Superintendente de circuito: Apóstol Pabloqa, visitanqan wawqi panikunapita manam hukläyatsu karqan. Pëkunapanöllam sasa kawëninkuna y yarparëninkunapis kaporqan. Wanarqanmi y alläpam kushikoq ruranqampita shumaq parlapäyaptin (2 Cor. 11:26-28). Pablota soldädokuna chätsiyänanta musyarïkurmi, Roma congregacionpita wawqi panikuna ewayarqan 74 kilömetrosta (46 millas), Apio markapa Qatukuyänanchö topayänampaq. “Y rikärirnam, Pablo agradecikorqan Diosta y kushikorqanmi.” (Hech. 28:15.) Tsënö kaqmi noqantsikpis, superintendente de circuitota kushiratsishwan. ¿Imanö? “Alleq honrarnin” y visitamanqantsik semänacho alli yanapakurnin (1 Tim. 5:17). Qampaq ruranqanta agradecikonqëkita rikätsi. Wawqiwan warminqa alläpam kushikuyanqa fënintsikta, kuyakïnintsikta y alleq tsarakonqantsikta rikarnin (2 Tes. 1:3, 4)
5. ¿Imanirtaq llapantsik wanantsik yanapamänantsikta y shumaq parlapämänantsikta?
5 ¿Piraq wananmantsu yanapayänanta y shumaq parlapäyänanta kë “alläpa sasa y mantsakëpaq hunaqkunachö”? (2 Tim. 3:1.) Kanampitana alleq churapukë, circuitopa visïtanchö alli yanapakunëkipaq. Circuitowan noqantsikpis shumaq parlapänakurnin yanapanakushwanmi. Tsënöpam shumaq yachëllapa llapantsik yanapanakïkäshun y cristiano kënintsikta más alliyëkätsishun (1 Tes. 5:11).