DIOSNINTSIKTA ALLI SIRWINAPAQ
Congregacionkunata watukaq wawqikunaqa alläpam trabajayan
Congregacionkunata watukaq wawqikuna y warminkunaqa imëkatam dejayan yanapamänapaq, y tsëtaqa rurayan kuyamarnintsikmi. Pëkunapis noqantsiknömi imëkata wanayan. Höraqa pishipashqa y llakishqam sientikuyan (Snt 5:17). Tsënö karpis, cada semäna watukayanqan congregacionkunachö wawqi panikunata yanapayänampaqmi kallpachakuyan. ¡Congregacionkunata watukaqkunaqa ‘mas respetashqam kayänan’! (1Ti 5:17).
‘Diospita ima bendicionllatapis apanampaqmi’ apostol Pabluqa Röma nacionchö këkaq congregacionta watukaq ëwanampaq nirqan, tsënöqa nirqan pëkuna kallpayoq kayänampaq animëta munar y pëtapis animayänanta munarmi (Ro 1:11, 12). ¿Imëllapis pensarqunkiku congregacionkunata watukaq wawqita y warminta imanö animanëkipaq kaqman?
CONGREGACIONKUNATA WATUKAQ WAWQI KARU MARKAKUNACHÖ YANAPAKUNQAN NEQ VIDEUTA RIKÄRIR, KËKUNATA CONTESTË:
Congregacionkunata watukaq wawqikuna y warminkunaqa wawqi panikunata kuyar, ¿imakunatataq rurayan?
¿Imanötan qamta yanapayäshurqunki?
¿Imatataq rurashwan pëkunata animanapaq?