¡Especial yachatsikï! 20 de octubrepita 16 de noviembre killayaq
1 Lunes 20 de octubre killapita qallëkurmi, llapan Patsachö chusku semana puritsishun ¿Rasumpa kaqta musyëta munankimantsuraq? especial tratädota. Tsënöpam, rasumpa kaqta parlaq Bibliapita nunakuna yachakuyänampaq yanapashun (Juan 17:17).
2 Kë mushoq tratädom contestan hoqta precisaq tapukïkunata: ¿Diosnintsik kuyamantsiktsuraq? ¿Imëllapis ushakärenqatsuraq wanutsinakïkunawan hipakïkuna? ¿Imaraq pasamantsik wanurishqa? ¿Imataq wanushqakunata shuyaran? ¿Imanöraq mañakushwan Diosnintsik wiyamänantsikpaq? y ¿Imanötaq kushikïta tarishun? Kë tapukïkunataqa manam ni mëqan cristiano nishqan iglesiachö contestayashqatsu. Wakin nunakunapis tapukuyashqam, pero manam musyayantsu Bibliachö respuestan këkanqanta. Tsëmi musyantsik kë tratädota atskaq nunakuna chaskimänantsikta.
3 Llapan yachatsikunëki markaman chätsi: Allim wayin wayin llapan yachatsikunantsik markaman imëkanöpapis kë mushoq tratädota apashwan. Yachatsikunantsik marka alläpa hatun kaptenqa, itsa ancianokuna nimäshun punta visïtallachöna huk tratädota haqinapaq mana pitapis tarenqantsik wayikunachö. Vecïnïkikunata, castëkikunata, trabäjochö o escuelachö reqenqëkikunata, y imëpis parlapanqëkikunata ama qonqëtsu huk tratädon qoyta. ¿Octubre o noviembre killachö manatsuraq precursor auxiliar karinkiman? Hinamampis, wambrëki o estudianteki Jehoväpa kaqchö allina këkaptenqa, y yachatsikoq yarqunampaqnöna këkaptenqa, ancianokunawan parlë.
4 Imanötaq parlashwan: Llapan nunaman chänantsikrëkurmi unëtsu parlanantsik: tratädopa qallananchö tapukïkunapita mëqanta karpis tapurir, kikin tratädochö respuestapita yacharatsi. Kënö rurarqa markantsikchö allim yachatsikushun. Pipis wiyakuptenqa, shutinta y mëchö täranqantapis qellqari yapë kaqchö kutinëkipaq. Allichi llapan semana ushëchö revistakunatawan tratädota ofrecikushwan. 16 de noviembrechö especial yachatsikï ushariptinnam, Yachatsikun librowan yachatsikushun, y tratädota mana ushatserqa wakin tratädokunawannöllanam yachatsikushun.
5 Estudio biblicota qallanapaq: Kë mushoq tratädotaqam rurayämushqa estudio biblicota qallanapaq. ¿Imanöraq parlapashwan yachakïta munaqkunaman kutirnin? Tratädopa mëqan yachatsikïnin llakishqa këkaptin o hipëkaptin yanapanqantam tapurinantsik. Tsëpitana, tratädopa ushananchö Bibliapita yachakïta munaqkunapaq qellqarëkaqta rikäratsi, y Yachatsikun libron qori. Wiyakoq más yachakïta munaqnö kaptenqa, akranqan tëmapita parlaq capïtulopa huk o ishkë pärrafonta yacharatsi.
6 Jehoväqa munan, “espirituchow i rasunkaqchow” adorë munaqkunata ashinatam (Juan 4:23, QKW). Nunakuna rasumpa kaqta yachakuyänanta munarmi, ¡especial yachatsikïman alli yarqunantsik!