Reunionkunachö yachakunapaq mushoq programa
1, 2. Enero de 2009 watapita witsëpaqa, ¿imanötaq reunionkuna kanqa?
1 21 al 27 de abril de 2008 semänachömi, llapan congregacionkunachö kushikïpaq willakayämorqan: “1 de enero de 2009 watapita Yachatsikunapaq Diospa Escuëlan, y Reinopita Willapäkïta Yachakunapaq reunionkunallawanna, Libropita Yachakunapaq reunión kanampaq. Hinamampis Libropita Yachakunapaq reunionnatsu manam shutin kanqa, tsë killapita witsëpaqa Bibliapita Yachakunapaq reunionnam shutin kanqa”.
2 Kima reunión hukllachö: Canticowan y Diosman mañakïwanmi huk hora 45 minütollachö kiman reunionkuna ushanqa. Cantarirnin Diosman mañakurishqam (5 min.) Bibliapita Yachakunapaq” reunión qallanqa (25 min.). Tsëpitanam qallarenqa Yachatsikunapaq Diospa Escuëlan reunión (30 min.). Tsëta usharirnam cantashun (5 min.) y qallarenqa Reinopita Willapäkïta Yachakunapaq reunionna (35 min.). Usharenqanam cantarishqa y Diosman mañakurishqa (5 min.). Bibliapita Yachakunapaq, Yachatsikunapaq Diospa Escuëlampaq, y Reinopita Willapäkïta Yachakunapaq reunionkunapaq puntallapitana yachakïkänapaqmi, cada killa yarqamonqa Reinopita Willapäkunapaqchö huk programa.
3. ¿Imanötaq dirigiyanqa Bibliapita Yachakunapaq reunionta?
3 Bibliapita Yachakunapaq: Ataläyapita yachakïkanqantsiknöllam kë reunión kanqa. Wallka tiempollachö qallananrëkurmi, pasaq semänachö yachakonqantsikta reunionta dirigeq kutipamonqanatsu. Tsënöpam wiyakoqkuna precisaqnin kaqkunata alli parlakarayämonqa. Superintendente presidentem cada semänapaq huk huk ancianota churanqa tsë reunionta diriginampaq.
4. ¿Imanötaq kanqa Reinopita Willapäkïta Yachakunapaq reunionqa?
4 Reinopita Willapäkïta Yachakunapaq: Willakïkunaqa pitsqa minütollanam kanqa precisaq kaqkunata musyatsikarayämunampaq, y sucursalpita wakin cartakunata leirayämunampaq, wakin kaqqa kanqannöllam kanqa. Mëchö yachatsikunapaq kaqta, pikuna pitsapakuyänampaq kaqta, ëka qellë ëllukanqanta y imëpis sucursal apatsimonqan cartakunataqa mananam leiyämonqanatsu, tablërollamannam churayämonqa rikänapaq. Reinopita Willapäkïta Yachakunapaq reunionkunachö yachatsikamoqkunaqa, allim yachakuyänan, y churashqa tiemponllachömi rurayänan y imanö rurayänampaq kaqtapis wiyakuyänanmi.
5. Superintendente de circuito chämonqan semänachö, ¿imanöraq reunionkuna kanqa?
5 Superintendente de circuito chämuptin: Imëpis kanqannöllam circuito chämuptenqa reunionkuna kanqa. Martespam kanqa Yachatsikunapaq Diospa Escuëlan y Reinopita Willapäkïta Yachakunapaq reunionkuna. Cantarishqanam superintendente de circuito kima chunka minütollachö huk discursota qomunqa. Imëpis ruranqantsiknöllam, visita semänaqa huk hunaqpana kanqa Bibliapita Yachakunapaq reunión, cantarishqanam superintendente de circuito huk discursota ruramonqa. Tsëpitanam canticowan y mañakïwan reunión usharenqa.
6. ¿Imataraq ruranqa “yachatsikïta rikaq anciano”?
6 Yachatsikoq ëwanapaq reunionkuna: Ancianokunam churanakuyanqa yupashqalla wawqi panikunata cargonchö katsiyänampaq, pëkunatam reqishun “yachatsikïta rikaq anciano” nishpa, y cargonchö kaqkunatam yanapayanqa y shumaq willapäyanqa o atikayanqa. Huk siervo ministerial këta ruranampaqnö kaptenqa, “yachatsikïta rikaq siervo ministerial” nirmi reqishun.
7. ¿Imakunachöraq yanapamäshun reunionkunapaq mushoq programa?
7 Rikanqantsiknöpis, Jehoväpa kaqchö alli tsarakunapaq y alli yachakunapaqmi reunionnintsikkuna kanqa, Diospa mikïninmi yanapamäshun alli y shumaq yachatsikunapaq, tsënöpa nunakunapa shonqunman chänapaq y Diospa sirveqnin këman tikrayänampaq (Efe. 4:13, 14; 2 Tim. 3:17).
8. Puntallapita reunionpaq yachakonqantsik, ¿imanöraq yanapamäshun?
8 Llapan reunionkunapaq alli yachakorqa, yachatsikayämonqanta wiyakushun mana ni imamampis yarpachakïpam. Llapantsik shumaq comentarnenqa kikintsikpuram yanapanakushun (Rom. 1:11, 12; Heb. 10:24). Diosnintsikpa ‘rasonpa palabranta alli inshishqaqa’, ‘llapancunam cuentata qocuyanqa’ Jehoväpa kaqchö alli këkanqantsikta (2 Tim. 2:15, QKW; 1 Tim. 4:15).
9. ¿Ima ruranantsiktaq alläpa precisan y imanir?
9 Reunionkunapaq mushoq programa yarqamonqanqa alläpam kushitsimantsik. Tsëmi imëkapitapis más, “mäcoq, mäcoq, cumplidu” yachatsimanqantsikta alleq wiyakunantsik y Hatun Mitsikoqpa nöpanman witinantsik, pëmi alistëkämantsik këllachöna këkaq “allapa hipaqui” chämuptin tsarakunapaq (Mat. 24:21, 45; Heb. 13:20, 21; Apo. 7:14).