Estudio biblicota qallanapaq hunaq
1 Enero killapita qallëkurmi, llapan killakunachö akrashun huk semänapa ushanan hunaqta estudio biblicota qallanapaq, allichi akrashwan killapa qallanan semänanta. Säbadota o domingota karpis congregacionpaq alli kanqanta rikëkurmi akrayänan. Estudio biblicota mana munayaptimpis, Yachatsikun librota rikäratsinkimanmi o tsëraq chäramushqa revistakunatapis haqirapunkimanmi. Llapan ancianokuna y siervo ministerialkunaqa tiemponkunatam rakiyänan estudio biblicota ashiyänampaq, tsënöpa wakinkunatapis estudio bíblico ashita yanapayänampaq.
2 Congregacionchö Comité de Servicio nishqanmi, estudio biblicota ashir puriyänampaq akranqa mëqan semana ushëtapis. Congregacionchömi imëpis yarpätsikuyänëki wawqikuna panikuna alli yachakuyänampaq y wayin wayin ëwar estudio biblicota qallëta tïrayänampaq, y yachakïta munaqkunaman kutiyänampaqpis.
3 Imanötaq yachakushwan: 2006 wata, enero killa kaq Nuestro Ministerio del Reinopa suplementontam rikärinkiman, hina Razonamiento libropa 11 y 12 päginankunatapis. O, ¿Rasumpa kaqta musyëta munankimantsuraq? tratädopitapis wayin wayin ewanëkipaq yachakurinkimanmi. Hina 2007 wata, agosto killa Reinopita Willapäkunapaqmi kima kaq päginanchö yachatsikun revista chaskeqkunawan imanöpis estudio biblicota qallanapaq. Ancianokuna y siervo ministerialkunam churanakuyanqa 10 o 15 minütollachö wayin wayin ëwanapaq reunionta rurayämunampaq, tsëchömi yachatsikayämonqa imanö estudio biblicota qallanapaq, o huk ishkë demostracionta rurayämonqa.
4 Llapan nunakuna estudio biblicota chaskiyänanta, o chaskimarnintsikpis mana haqiyänantaqa manachi shuyarashwantsu. Tsënö kayaptimpis manam llakinashwantsu, kikin Jehovämi nunakunataqa markanman yëkatsimun (Juan 6:44). Hinamampis noqantsikqa manam murunantsikllatsu, hina allpantapis kuyupätsinantsikmi, sipin yarqoqta o matsökoqtapis parqupänantsikmi, këtaqa rurantsik alli shonquyoq nunakunata Bibliapita yachatsirmi. Yarpë, tsëta rurarqa alläpa kushikïpaqmi “Diospa mincancuna” këkantsik (1 Cor. 3:9).