Estudio biblicota qallashun
1. ¿Imanötaq Mateo 28:19, 20 textochö ninqanta wiyakushwan?
1 Jesusmi kënö mandakurqan: “[Nunacunata] noqaman creyicuyänanpaq [...] yachatsiyanqui” (Mat. 28:19, 20). Tsëmi, imëpis listo këkänantsik estudio biblicota qallanapaq, y manam cada killachö estudiota qallanapaq congregación patsätsinqan hunaqtaraqtsu shuyaränantsik. Qateqnin pärrafokunachömi rikäshun estudiota imanö qallanapaqpis.
2. ¿Pikunatataq tapurishwan Bibliapita yachatseqmanku nishpa?
2 Bibliapita yachatsishqëki nishun nunakunata. Bibliapita yachakïta munaqkunaman kutirmi, más estudiokunata tarishun (Ecl. 11:6). ¿Qallanan visïtachö Bibliapita yachatsikïta tïrarqunkiku? Estados Unïdoschömi huk congregación churapakarqan huk killa tumareq estudiota qallayänampaq. ¡42 estudiotam qallariyarqan! Hina visitanqantsik nunakunatapis Bibliapita yachatsinapaq listo këkanqantsiktam musyatsinantsik, y manam kikinraq mañamänata shuyaränantsiktsu. ¿Manaku yapë visitarnin Bibliapita yachatsita munanqëkita nirinkiman? Mana munaptinqa manam imanantsu, itsa yapëpaqna estudiëta munarinman. Hina tapunantsikmi vecïnontsikkunata, kastantsikkunata, trabajaq o estudiaq mayintsikkunata Bibliapita yachakïta munayanqanta o mana munayanqantapis. Y, ¿Bibliapita yachëkätsinqëkikunapa mëqan kastanllapis yachakïta munantsuraq?
3. ¿Imataq yanapamäshun estudio biblicota qallanapaq, y mëkunachötaq kë tratädowan yachatsikushwan?
3 Këwan yachatsikï. Bibliapita yachatsikur qallanapaqqa yanapamäshun, ¿Rasumpa kaqta musyëta munankimantsuraq? nishqan tratädom. Kë tratädotaqa publicacionkunata mana chaskikoq nunakunatapis haqirapushwanmi. Hina alläpa allim qatukuyanqankunachö, cällekunachö, cartapa y nunakunata yapë visitanqantsikchö, o wayinkunachö mana tarirnin haqipunapaqpis. ¿Imanirtaq viajarnin, rantipakurnin o trabäjoman ëwarnin apankitsu? Kë tratädopa ushanan päginanchömi willamantsik Rasumpëpaqa, ¿imatataq Biblia yachatsikun? librowan estudio biblicota qallanapaq.
4. ¿Imanötaq estudiota qallashwan ¿Rasumpa kaqta musyëta munankimantsuraq? tratädowan?
4 ¿Imanötaq kë tratädowan yachatsikushwan? Kë tratädopa qallanan päginachö këkaq tapukïninkunata rikäratsir, kënö tapuri: “¿Mëqampa respuestantataq musyëta munanki?”. Tsëpita kë tratädochö këkaq respuestapita yacharatsi, hina estudiopaq parlaq ushanan päginachö pärrafopitapis parlapäri o leiratsi. Hina Yachatsikun librochöpis tapukïnimpa respuestanta rikäratsi. Y tsë librota haqirapur, más yachatsinëkipaq imë hunaq visitanëkipaqpis parlariyë.
5. ¿Imanirtaq imëpis listo këkänantsik estudio biblicota qallanapaq?
5 Yachatsikoq yarqunqantsikchöqa atskaq nunakunaran Biblia yachatsikunqanta musyëta munayan.¡Kushikïpaqmi kawëman apakoq nänita tariyänampaq nunakunata yanapëqa! Bibliapita yachatsikunapaq imëpis listo këkanqantsikmi yanapamäshun más estudiokunata qallanapaq (Mat. 7:13, 14).