Nunakunata yachatsinapaq mas kallpachakushun
1. ¿Imanötaq nunakunata yanapashwan salvakuyänampaq?
1 Diospa markan alläpa kushishqa y kallpachakur yachatsikuyanqantam 2014 sirwina watachö yachatsikunqantsik informi rikätsikushqa (Mat. 24:14). Wayin wayin yachatsikurnin, precisaq rurëchö tratädukunawan o invitacionkunawan o cällikunachö yachatsikunqantsikkunawanmi, imëpitapis mas Bibliapa yachatsikïnintaqa mas nunakunaman chëkätsintsik. Y tsë nunakuna salvakuyänampaqqa, Jesuspa qateqnin kayänampaqmi Bibliapa rasumpa yachatsikïninta yachakuyänampaq yanapanantsik (1 Tim. 2:4).
2. ¿Ima tapukïkunataq yanapamäshun estudiu biblicuta munatsikïta mana qonqanapaq?
2 Estudiu biblicuta munatsikïta qonqashuntsu. Yachakïta munayaptinqa, ¿mëchö täranqanta, jutinta y telëfunumpa nümerunta qellqëta procurantsikku, tsënöpa raslla estudiu biblicuta munatsinantsikpaq? ¿Imëllaraqtaq yachatsikoq charnin estudiu biblicuta diriginqantsik imanö kanqanta rikätsikurquntsik? ¿Imëllaraqtaq revistakunata jaqipunqantsik nunakunata munatsirquntsik estudiu biblicuta? Trabajaq o estudiaq mayintsikkunata, vecïnuntsikkunata, familiantsikkunata o reqinakushqantsikkunata, ¿rikätsirquntsiknaku ¿Imanirtaq Bibliapita yachakunkiman? y ¿Imanötaq Bibliapita yachatsikïnëkuna? neq vidëukunata? Cällikunachö mostradorwan yachatsikurninqa, ¿kallpachakuntsikku publicacionnintsikkunata apaqkunata debaldilla Bibliapita yachakïta puëdiyanqanta willëta?
3. ¿Imatataq wanantsik wakinkunata rasumpa kaqta alli yachatsinantsikpaq?
3 Jehoväpa y Jesuspa yanapakïninkuna. Qateqnin kayänampaq nunakunata yachatsiyänampaq Jesus mandakurninqa ‘ëwayë’ nirqanmi. Tsënömi rikätsimarqantsik kallpachakunantsik precisanqanta. Y manam japallantsikllatatsu jaqimarqantsik. Noqantsikwan këkänampaq kaqtam änimarqantsik (Mat. 28:19, 20). Y Jehoväqa manam santu espïritunllatatsu qomarquntsik, sinöqa tukï yanapakïkunatam, y tukïnöpam yachatsimarquntsik rasumpa kaqta yachatsikunapaq (Zac. 4:6; 2 Cor. 4:7). Tsëmi, yachatsikïta munanapaq Jehoväta mañakunantsik, tsënöpa tsë precisaq rurëchö yanapakunapaq (Filip. 2:13).
4. ¿Imanirtaq Jesuspa qateqninkuna kayänampaq yanapakïchö kallpachakushwan?
4 Alli willakïpita yachatsikïqa alläpam kushitsimantsik. Peru pillatapis rasumpa kaqta yachatsir y noqantsikwan ‘llanulla nänipa ewanampaq wiñe cawaquiman’ apakoq nänipa yanapanqantsikqa, masmi kushitsimäshun (Mat. 7:14; 1 Tes. 2:19, 20). Jina Jesuspa qateqninkuna kayänampaq kallpachakurqa Jehovätam kushitsishun, “porqui pëqa manam munantsu pipis condenacunanta; antis shuyarëcan nunacuna jutsancunata jaqiriyänantam” (2 Pëd. 3:9).