Imanötaq revistakunawan yachatsikushwan

Täpakoq 1 de octubre

“Atska qellëyoq karnin kushishqa kawakuyänampaq kaqtam wakin nunakunaqa pensayan. ¿Qampis tsënöllaku pensanki? [Shuyäri contestashunëkita.] Rikärishun Biblia ima nenqantapis [leiri 1 Timoteu 6:10]. Kë revistam yachatsikun qellëpita más valoryoq ima kanqantapis.”

¡Despertad Octubre

“Kanan witsan familiakunaqa imëka problëmayoqmi kayan, ¿rasunku manaku? [Shuyäri contestashunëkita.] Pero llakinëpaqqa, familiakuna shumaq kawakuyänampaq Biblia yachatsikonqanta mana musyayanqanmi, rikäratsishqëki Biblia imanö yanapakonqantapis [revistachö këkaq textota leirapï]. Kë revistam yachatsikun familiakuna problëmankunata altsayänampaq Biblia imanö yanapakonqantapis.”

Täpakoq 1 de noviembre

“Kanan witsanqa pï mëpam problëmankuna kan [markëkichö pasanqankunata parlapäri]. ¿Imanöraq Dios yanapamashwan problëmantsikkunata altsanapaq? [Shuyäri contestashunëkita.] Musyanapaqqa Jesus kë textochö nenqanta leirishun [leiri Lucas 11:13]. ¿Imataq santo espíritu, y imanötaq yanapamantsik? Kë revistachömi kë tapukïpa respuestanta tarinki.”

¡Despertad! Noviembre

“Kanan witsanqa celularyoq, computadörayoq y tsënö cösaskunayoqllanam pï mëpis kawakuyan. ¿Tsëkunaqa yanapamantsiktsuraq o tiempontsiktatsuraq perditsimantsik? [Shuyäri contestashunëkita.] Itsa tiempontsikta mana perdinapaq kë texto yachatsikonqantaqa qampis allim nirinki [leiri Efesios 5:15, 16]. Kë revistaqa yachatsimantsik tsëkunachö tiempontsikta mana perdinapaq y wakinkunatapis respetanapaqmi.”