¿Imanötaq rurakanqa Diospa Gobiernompita Yachatsikunapaq reunión?
Kë killapita qallëkurmi Diospa Gobiernompita Yachatsikunapaq reunionchö wakin discursokunata imanö rurayänampaq kaqta hukläyana ninqa. Mayo de 2009 kaq Diospita Yachatsikunapaqchömi, “Diospa Gobiernompita Yachatsikunapaq reunionpaq, ¿imanötaq yachakushwan?” neq tïtulopita yachakurqantsik, y tsë yachakunqantsikta más claro käyirinapaq o mayarinapämi kë qateqninchö këkaq yachatsikïkunaqa yanapamäshun.
◼ Discurso. Programa ninqan publicacionpitam discursokunataqa rurayanqa. Wiyëkaqkunaqa manam parlayanqatsu. Discursaq kaqqa congregacionta más yanapanampaq kaqtam yachatsikunan.
◼ Tapukïkunawan y respuestakunawan. Täpakoq revistachönömi tapukïkunawan y respuestakunawan llapan pärrafokunapita yachakushun. Yachatsikamoqqa qallanampaq y ushanampaqpis ichikllatam parlarinqa. Y pärrafokunachöpis manam alläpaqa parlanantsu. Más precisaq kaq textokunataqa tiempo tinkunqanmannöllam leitsinan. Pärrafokunataqa leitsinan progrämachö niptinraqmi.
◼ Wiyaqkunapis parlakarayämunqam. Këqa huk discursom kanqa. Wiyaqkunapis parlakuriyänampaqmi discursaq tapukïkunata ruranqa.
◼ Demostracionkuna y puntaman yarqaratsir tapukïkuna. Demostración kanampaq programa niptinqa, kikin discursaqmi rikänan tsë demostración rurakänampaq, pero manam kikinraqtsu tsë demostracionta ruranan. Shumaq portakoq y demostracionta rurëta yachaq cristiänotam akranan. Demostracionta ruraqkunaqa puntallapitanam imanö rurayänampaqpis alli yachakïta tïrayänan. Tsëraq bautizakushqa publicadorkunaqa manam demostracionkunata rurayanmantsu, pero pëkunapis yarquyänanta munarqa allim yanapaqnin kanampaq churayanman. Demostracionta rurayänampaq yarqoqkunaqa manam wiyëkaqkunaman waqtankunata tumatsiyanmantsu. Hinamampis, wawqikunata o panikunataqa puntaman yarqaratsirmi tapuyanman y manam täkunanchö këkaqtatsu. Demostracionta ruraqkuna y puntaman yarqurir tapuyanqanta contestaqpaq kaqkunaqa tiempopitam yachakuyänan. Yachatsikamoq wawqipa tiempon ushakaptin discursonta wallkätsinan kaptimpis, puntaman yarqaratsir tapukïkunata y demostracionkunataqa imëpis ruratsinanmi. Siervo ministerialkunaqa coordinadortam (o congregacionchö huk anciänotam) tapuyänan tsëkunachö yanapakuyänampaq pita karpis akrayänampaq.
Llapampis programa ninqannöllam rurakänan. Alläpam markäkuyä o yärakuyä Diospa Gobiernompita Yachatsikunapaq reunionchö ‘llapantapis shumaq ordenadu rurayanëquipaq’ këkuna yanapayäshunëkiman (1 Cor. 14:40).