¿Imanöraq revistakunawan yachatsikushwan?

Täpakoq 1 de octubre

“Wakin teytakunaqa wambrankuna pishi kayanqampitam alli kaqta yachatsiyan. Pero mana allikunata ruraq teytayoqkunaqa, ¿teytankunanöllatsuraq hatunyarpis kayanman? [Shuyäri contestashunëkita.] Kë textochö rikärishun mana allikunata ruraq teytayoq wambrapaq Biblia ima ninqantapis [leiri 2 Reyes 18:3]. Kë revistachömi yachakunki kikintsik alli kaqta o mana alli kaqtapis akranapaq Diosnintsik kamamanqantsikta.”

¡Despertad! Octubre

“Wakin nunakunaqa mana käyipaq o mayaypä kallpalla Diosnintsik kanqantam pensayan, pero wakinkunanam, Diosnintsik rasumpa kawanqanta, y llakishqa o kushishqa këta puëdenqanta niyan. ¿Qamqa ima ninkitaq? [Shuyäri contestashunëkita.] Kë textochö ninqantam qampaq leiramïta munä [leiri 1 Pedru 5:6, 7]. Kë revistam, 29 kaq päginanchö Bibliawan rikätsikun Diosqa viento cuentallatsu kanqanta.”

Täpakoq 1 de noviembre

“Tukï religionyoq atska millón nunakunam cada hunaq rezakuyan. Tsë llapan mañakuyanqantatsuraq Dios chaskin, ¿ima nintaq? [Shuyäri contestashunëkita.] Mañakunata Diosnintsik munanqantam Bibliaqa yachatsimantsik [leiri Filipenses 4:6, 7]. Kë revistam yachatsikun Diosnintsik wiyamänantsikrëkur imanö mañakunantsikpaqpis.”

¡Despertad! Noviembre

“Wakin Diosman mana creeq nunakunaqa, mana religionkuna kaptinqa nunakuna más alli kawakuyänantam niyan. Y tsëtaqa niyan wakin religionkuna Diospa shutinchö imëka mana allikunata rurashqa kayaptinmi. ¿Rasun kaqtaku niyan? ¿Ima ninkitaq? [Shuyäri contestashunëkita.] Puntataqa rikäratsishqëki mëtsika religionkuna imanir mana allikunata rurayanqanta [leiri 2 Timoteu 4:3, 4]. Diosman mana creeqkuna niyanqanqa, manam llapantsu alli. Tsëkunatam kë revista rikätsikun.”