Jehoväqa yachatsikunapaqmi yachëkätsimantsik
1. Imatapis Jehová mandamarnintsik, ¿ima mastaraq ruran?
1 Jehová nunakunata imëkata rurayänampaq mandarpis, kikinmi tsëta rurayänampaq yanapan. Këman yarpärishun, Noëqa manam arca rurëta yacharqantsu, tsëmi Jehová huk arcata ruranampaq mandarnin, imanö ruranampaq kaqtapis nirqan (Gen. 6:14-16). Moises Israelchö anciänokunata y Faraonta parlapänampaq Jehová mandarmi, këta awnirqan: “Noqam shimikita parlatsimushaq” (Ex. 4:12). Diospa Gobiernompita yachatsikoq ëwanapaqpis Jehoväqa yanapëkämantsikmi. Yachatsikunapaq Diospa Escuëlan y Diospa Gobiernompita Yachatsikunapaq nishqan reunionkunawanmi yanapëkämantsik. ¿Imatataq rurashwan Jehová yachatsimanqantsikwan?
2. Yachatsikunapaq Diospa Escuëlanchö, ¿imata rurartaq más yachakushun?
2 Yachatsikunapaq Diospa Escuëlan. Reunionchö yachakuyänëkipaq kaqpita alleq preparakï. Tsëmi discursota qomoqkuna imanö rurayanqanta rikarnin más yachakunki (Pro. 27:17). Benefíciese libro nishqanta reunionman apë y cuadernomannö qellqë. Discursokuna ushariptin Escuëlata dirigeq wawqi libropita parlaramunqanta marcari y librïkïchö más precisaq kaqkunata qellqari. Pero kë escuëlachöqa más yachakuntsik discursokunaman yarqurmi. ¿Matriculäkurqunkinaku? Huk discursota ruranëkipaq kaptinqa, alleq preparakï y Benefíciese librochö ninqanmannö rurë. Y yachatsikoq ëwarninqa, yachakunqëkimannö rurëta tïrë.
3. ¿Imataq Diospa Gobiernompita yachatsikunapaq yanapamantsik?
3 Diospa Gobiernompita Yachatsikunapaq. Reunionkunachö yachatsikayämunqantaqa más yarpäshun wayintsikchö alleq preparakurmi y reunionkunachö comentarninmi. Comentariontsikchö raslla parlarishqaqa, wakinkunapis comentëta puëdeyanqam. Demostracionkunata alli wiyë y yachakunqëkimannö yachatsikoq ëwanqëkichö yachatsikï, tsëqa más allim yachatsikunki. Diospita Yachatsikunapaq nishqanchö yachatsikïpaq parlaptinqa, alërollachömi katsinantsik.
4. ¿Imanirtaq Jehoväpa yachatsikïninta alleq yachakunantsik?
4 Noëtawan Moisesta ruranampaq Dios mandanqannömi, kanan witsampis hinantin Patsapa Diospa Gobiernompita Yachatsikunapaq ëwanantsik sasaraq o ajaraq (Mat. 24:14). Alli Yachatsikoq Jehovämanmi markäkunantsik, y yachatsimanqantsiknömi ruranantsik (Isa. 30:20).