Tapukïkuna kaq

◼ ¿Pikunallatataq publicacionnin kuna haqipushwan?

Llapan leita munaqkunatam. Diospita pitapis parlapëkanqantsik gustaqnö kaptinqa, revistan, libron o huk publicacionnin allim haqirapushwan, hina, hinantin Patsachö yachatsikïpaq ëkallawampis yanapakïta munaqtanö rikar o mana yanapakïta munaptimpis haqirapushwanmi (Job 34:19; Apo. 22:17). Pero leita mana munaqnö kayaptinqa, manam haqipunantsiktsu (Mat. 7:6).

Y, ¿imanötaq musyashwan pipis más yachakïta munanqanta? Parlapashqa shumaq wiyamashqa, y más parlapänata munayanqanmi rikätsimäshun wiyakïta munayanqanta. ¿Tapushqa contestamantsikku? ¿Parlakayämunku? Textota leipushqa qatimanqantsikmi rikätsikunqa Diospa Palabranta respetanqanta. Höraqa allim kanman publicacionta leita munanqanta o mana munanqantapis claro tapurinantsik. Y alleqmi rikänantsik yachakïta munanqanta o mana munanqantapis. Tsëmi cällekunachö yachatsikurqa, manam llapan tinkunqantsikkunatatsu publicacionninkuna tsararkäratsinantsik. Y wiyëta mana munaqtanö rikarqa, itsa tratädonllana qararishwan.

Hina ëkatapis cäjakunaman hitakunqantsikrëkurtsu manam atska publicacionkunata horqantsik, sinöqa yachatsikunapaq ëkatapis wananqantsiktam. Cäjakunaman hitakunqantsikqa manam publicacionkunapita pagakunapaqtsu, sinöqa hinantin Patsachö yachatsikïta yanapakunapaqmi. Y llapampita agradecikur y shonqupita patsë Diospa Gobiernonta más yanapakunapaqmi, tarinqantsikmannö ëkallawampis yanapakushwan (Mar. 12:41-44; 2 Cor. 9:7). Hina tsënö kanqantsikmi yanapamäshun yachatsikunapaq wananqantsikllata publicacionkunata horqanapaq, tsëqa manam Jehoväpa kaqta ujutsishuntsu.

[2 kaq päginachö ninqan]

Alleqmi rikänantsik yachakïta munanqanta o mana munanqantapis