¿Alli y shumaqtaku puritsintsik?

Manaraq publicacionkunata pitapis haqipurninmi tsëta tapukunantsik. Rakchatashqa, pitukashqa, colornin kutikäkushqa y ushakäkïkaq publicacionkunaqa Diospita yachatsikunqantsiktam penqakïchö horqanqa, y Diospa markampaqmi mana allita parlayanqa.

¿Imataraq rurashwan publicacionnintsikkunata mushoqtanölla puritsinapaq? Wakinkunaqa tamäñonmannö y topanqanmannömi maletinninkunaman librokunata, revistakunata, follëtokunata y tratädokunatapis shumaq patsätsipa churayan. Nunakunawan parlëta usharirninmi Bibliankunata y publicacionninkunata maletinninkunaman shumaqlla kutirkatsiyan. Wakin publicadorkunanam mïkayoqta o förroyoqta puritsiyan. Imanö puritsishqapis, llapan yachatsikunqantsik publicacionnintsikkunaqa alli y limpiom kanan, tsënö rurashqaqa, manam Diosnintsikpita yachatsikunqantsikta mana allita parlayanqatsu (2 Cor. 6:3).