“Chaskimaptikiqa qampa kaqtapis chaskishqëkim”

Wakinkunaqa publicacionninkunata mana chaskishqaqa noqantsikpatapis manam chaskimantsiktsu. Peru mana rasun kaqta yachatsikuyaptinmi, allitsu kanman publicacionkunata trukanakunantsikqa. Tsëqa, ¿imanöraq respëtuwan contestashwan? (Rom. 1:25.) Itsa kënö nishwan: “Tsënö niramanqëkiqa allim, peru ¿imapitataq yachatsikun? ¿Yachatsikunku problëmakuna altsakänampaq kaqta? [Shuyäri contestashunëkita. Respuestanta tarinëkirëkur leyinëkipaq nishuptikiqa, yarpäratsi publicacionnikita manaraq munatsirnin imata yachatsikunqanta puntata parlapärinqëkita. Tsëpita leyi Mateu 6:9, 10.] Leyinqantsiknöpis, Jesusqa yachatsikurqan Diospa Gobiernunlla Patsachö Diospa munëninta ruranampaq kaqtam. Tsëmi leyinqä publicacionkunaqa, Diospa Gobiernunta precisaqpaq churan. ¿Tsë Gobiernu imakunata ruranampaq kaqta Bibliachö rikäratsïnikita puëdïmanku?”.