Internetchö päginantsik: llapan nunakunatam yanapan

Diospa gobiernompita ‘llapan nunacunata alli willaquïninta musyatsikunapaqmi’ Jesusqa mandamarquntsik (Mat. 24:14). Diospita më tsëchö yachatsikunantsikrëkurmi, juk mushoq página rurakämushqa jw.org nishqan, punta kaq watchtower.org, jw-media.org y jw.org päginakunam jukllëllaman juntakashqa. Españolpaqqa jw.org/es nishqanmi kanqa y jw.org/que nishqannam quechuapaq (2 Tim. 4:5).

‘Llapan nunacunaman.’ Entero patsachö cada kimaq nunakunapitam jukqa Internetyoq. Mëtsikaqmi y masqa jövenkunam Internet-ta más utilizäyan imëkata yachakuyänampaq. Kë päginantsikqa Bibliapita tapukïninkunapa respuestanta nunakuna tariyänampaqmi yanapanqa. Kë päginawanmi Diospa markanta reqiyanqa y Bibliapita yachakuyänampaqpis mañakïta puëdiyanqa. Këqa yanapakunqa mana chanqan sitiokunaman alli willakïkuna chänampaqmi.

Entero “nasioncunacho.” Llapan nacionchö nunakunata Bibliapita yachatsinapaqqa, Jehoväpa testïgonkunaqa rasumpa kaq yachatsikïtam tukï idiömakunachö katsinantsik. Tsëmi, kë päginachöqa më tsë nación nunakunapaq, 400 idiömakunachö tukïläya yachatsikïkunata churayämurqö, kënöqa manam ni ima päginapis kantsu.

Alli provechë. Kë mushoq página jw.org nishqanqa manam Diosta mana reqeq nunakunata yachatsinanllapaqtsu rurakämushqa. Jina Jehoväpa testïgonkunapaq pensëkurmi rurakämushqa. Internetniki kaptinqa jw.org päginachö llapanta ashi ashikur rikänëkipaqmi invitariyaq. Kë qateqninchömi, yanapakïkuna kan kë päginata imanö más provechanëkipaq.

[3 kaq päginachö dibüju]

(Imanö yarqamunqanta rikëta munarqa, kikin publicacionta rikäri)

Yachakï

1 Internet ashimunampaq, qellqë www.jw.org/es o www.jw.org/que nishqan direccionta.

2 Kë päginata maslla rikë lapirnin titulokunachö, menüta akrarnin y masta ashinapaq kaqkunachö.

3 Internet yëkunqan aparatokunachö jw.org päginata kichë. Kë päginaqa cambiarinqa pantällapa tamäñonmannömi, pero yachatsikïninqa igual-llam kanqa.