Mushoq tratädukuna jukläya y shumaq kayanqan
1. ¿Ima publicacionkunataq yarqamushqa shumaq yachatsikunapaq?
1 2013 wata jatun asamblëantsikpa jutinqa karqan “Diospa Palabranqa rasumpa kaqllam”, tsëchömi yarqamurqan pitsqa mushoq tratädukuna, jina tsëmanmi yapakämurqan “¿Wanushqakuna kawariyämunqatsuraq?” tïtuluyoq 38 kaq Diospa Gobiernumpita willakïkuna tratädu. Tsë joqtan tratädunakunaqa wakin kaqkunapita jukläyam kayan, ¿imanir? ¿Imanötaq utilisashwan wayin wayin yachatsikurnin?
2. ¿Imanöraq yanapamäshun mushoq tratädukuna?
2 ¿Imanirtaq jukläya? Wayiyoqta shumaq yacharatsinapaqqa këtam cuentachö katsinantsik: 1) parlakaramunampaqmi juk tapukïta rurarinantsik, 2) Biblia ima ninqantam rikäratsinantsik, 3) juk publicaciontam leyinampaq munaratsinantsik y 4) yapë kutirnin parlar sïguinapaqmi juk tapukïta rurarinantsik y imë kutinapaq kaqtam parlarinantsik. Kë chuskunta fäcil-lla ruranapaqmi kë mushoq tratädukunaqa yanapamantsik.
3. ¿Imanötaq mushoq tratädukunawan yachatsikushwan?
3 ¿Imanötaq utilisashwan? Saludarirmi, 1) qallanan päginachö tapukïninta rikäratsishwan y respuestankunata akrarinampaqmi nirishwan, tsëpitanam parlakaramunampaq mañarishwan, 2) tratäduta kicharirmi “Biblia yachatsikunqan” neqpita leyirapushwan. Tsëpitanam kikin Bibliata leyirapushwan. Permitimashqaqa “¿Imanötaq këta musyanqantsik yanapamäshun” neqpitam yacharatsishwan, 3) tratädutam munaratsishwan y leyita usharinampaqmi animarishwan y 4) tsëpitanam ushanan kaq päginachö “Këta tapukï” neq yachatsikï jawanchö tapukïta rikäratsishwan, y yapë kutirnin Bibliawan tsëpita parlakurinapaqmi patsäratsishwan.
4. Juk nuna Bibliapita yachakïta munaptinqa, ¿yapë kutirnin imanötaq mushoq tratäduwan yacharatsishwan?
4 Yachakï munaqkunaman kutirnin yachatsinapaqpis fäcil-llam. Tapukï jaqinqantsikta contestanapaqqa, tratädupa ushananchö këkaq textullatam leyipärinantsik y nïkurmi “Diospa alli willakïninkuna” follëtupa fötunta tratäduchö rikäratsishwan. Tsëpitanam parlanqantsikpita, kikin follëtuchö rikäratsishwan y munaratsishwan. Chaskimashqaqa, yapëchö tsëpita yachakurinapaqmi patsäratsishwan. Tsënömi juk estudiuta qallarishwan. Follëtuta mana entregarpis juk tratädutam munaratsishwan y yapëchö tsëpita yachakurinapaqmi patsäratsishwan.
5. ¿Imanirtaq tratädukunaqa yachatsikïnintsikchö alläpa yanapakuyan?
5 130 watapitapis masnam tratädukunawan yachatsikurquntsik. Imanö këninqa cambiarëkashqam, peru alläpam yanapamarquntsik. Kë mushoq tratädukunata alleq utilisäshun Diospa yachatsikïninta më tsëman chätsinapaq (Prov. 15:7a).