Tratädukunawan parlapar qallanapaq

2018 wata enëru killapitam, Reunionchö Yachakunapaq höjapa qallanan päginanchö pitapis imanö parlapar qallanapaq kaqta churayämushqa. Tsëmi yanapamarquntsik nunakunata parlaparqa publicacionkunallata mana jaqinapaq. Y “Imanö yachatsikunapaq” neq videukunam yanapamantsik nunakunata Bibliawan parlapar qallanapaq. Tsëqa, ¿wayin wayin yachatsikurnin publicacionkunata jaqipashwanku? Awmi. Tsëpaqqa tratädukunam yanapamäshun imanö parlapar qallanapaqpis, y kënömi ruranantsik:

1. Qallanan päginachömi qellqarëkan imata tapunapaq kaq. Tsëta tapurir, tsëchö këkaq respuestakunata leyiratsi.

2. Tsëpitana ishkë kaq päginapa qallananchö Biblia ima ninqanta leyiri. Peru parlapanqëki nuna mas wiyakuyta munaptinqa, tsë tratäduchö qellqarëkaqpita masllata yacharatsi.

3. Tratäduta jaqipurirnam, leyinampaqpis nirinkiman.

4. “Këta tapukï” neqchö këkaqta manaraq ëwakur tapuri, y imë kutinëkipaq kaqta niri.

Watukaq kutirirqa, tsë tapunqëkipitam yachatsinëki, y yapë watukaq kutinëkipaqmi juktana tapunëki. Imata tapunëkipaq kaqtaqa ashi Internet päginantsikchö o tsë tratädupa ushanan päginanchö willakunqan juk publicacionchö. Y qammi rikänëki Diospa alli willakïninkuna neq follëtuta o yachatsikunantsikpaq mëqan publicacionkunata imë jaqipunëkipaq kaqtapis.