Yachatsikur utilisäshun jw.org päginata

Internetchö päginantsikqa alläpa precisaq yanapakïmi, porqui ‘patsapa mas karun kaq markayaq’ alli willakïta chätsinapaqmi yanapamantsik (Hëch. 1:8, NM). Peru mëtsikaq nunakunam päginantsikta reqiyantsu, noqantsik yachatsishqa o rikätsishqallam musyayanqa.

Congregacionta watukaq juk wawqim ¿Imanirtaq Bibliapita yachakunkiman? vidëuta celularninman jorqashqa, y puëdirninqa nunakunatam rikäratsin. Tantiyarinapaq, wayin wayin yachatsikurqa, kënömi nirin: “Llapankunatam watukëkä kë precisaq tapukïkunapa respuestanta tariyänampaq yanapar: ¿Imanir imëka mana allikuna kanqanta? ¿Diosnintsik imanö altsamunanta? y ¿Tsëyaq imata rurëkänapaq kaqta? Kë vidëum tsëpita yachatsikun”. Celularninchömi vidëuta raslla rikäratsin y wiyaqnin imanö parecinqanta ninampaqmi shuyärin. Alläpa shumaq vidëu kaptinmi, cäsi llapan rikaqkuna ushanqanyaq rikäyan. Jina wawqiqa kënömi nin: “Wiyarinqëkinömi, Bibliapita yachatsiyäshunëkipaqqa Internetchö jw.org päginapa mañakïta puëdinki. Peru këchö këkanqäta provechar, yacharatsishqëki imanö kanqanta”. Wiyaqnin nuna munaptinqa, Diospa alli willakïninkuna follëtuwanmi yacharatsin Bibliapita yachakï imanö kanqanta. Nunapa tiempun mana kaptinqa, yapë kutirnin yacharatsinampaqmi nirin. Jina jamanqan hörapis lädunchö këkaqta shumaqlla parlapärin. ¿Y noqantsikqa? ¿Yachatsikunqantsikchö utilisëkantsikku jw.org päginata?