**Alli yachatsikoq kë: Yachatsikun libruwan estudiu biblicuta imanö diriginapaq kaqta rikätsikuri**

¿Imanirtaq alläpa precisan? Mëtsikaq nunakunam alleqllaqa musyayantsu debaldilla Bibliata yachakï ima ninan kanqanta. Itsa pensayan estudiaq ëwayänampaq kaqta. Tsëmi, estudiuta qonapaq ninantsikpa rantin, rikäratsishun imanö yachatsikunqantsikta. Rikäratsishun Bibliata yachakïqa fäcil-lla y alläpa yanapakoq kanqanta. Tsë rurëqa juk rätullam kanqa y punkunllachömi rurarita puëdintsik.

¿Imanötaq rurashwan?

Wayiyoqta saludarir, tapuri shamoq tiempuchö kawakï imanö kanampaq kaqman yarpachakunqanta o mana yarpachakunqanta.
Tsëkuna mëtsikaqta yarpakachätsinqanta nirï. Tsëpitana, Yachatsikun libruchö índice nishqanta rikäratsi. Jina shamoq tiempupaq y maskunapaq Biblia imata yachatsikunqanta, y fäcil entiendipaqnölla tsë libru yachatsikunqanta nirï. Nïkurna tapuri mëqampita yachakïta munanqanta.
Juk libruta qorï y akranqan yachatsikïta rikäratsi. Jina nirï tsë capïtulupa jawanchö këkaq tapukïkunapa respuestanta yachakuyänëkipaq kaqta.
Juk kaq pärrafuta leyita munaptinqa leyiratsi. Tsëpitana tapukïta rurari y respuestampita ishkëki parlariyë. Tsë yachatsikïpaq Bibliapita textukunata leyiriyë y entiendiratsi. Librïkichö respuestanta imanö markanqëkita rikäratsi.
Kananqa qateqnin kaq pärrafuta leyiriyë. Peru kikinna tsë tapukïpa respuestanta parlakaramutsun.
Alli parlanqanta nirï, y juk junaqna tsë yachatsikïta ushayänëkipaq nirï.
Y puëdirninqa Internetchö jw.org nishqan päginachö, ¿Imanötaq Bibliapita yachatsikïnëkuna? neq vidëuta rikäratsi.

Entëru killachö këta rurëta procurë

Jehoväta mañakï estudiu biblicuta qallanëkipaq kallpachakïkanqëkita bendicimunampaq (Filip. 2:13).
Yachatsikunqëkichö juk kutillapis musyatsikuri Yachatsikun libruwan imanö Bibliapita yachatsikunqantsikta o ¿Imanötaq Bibliapita yachatsikïnëkuna? neq vidëuta rikäratsi.