Revista chaskeqkunawan Bibliapita yachakur qallashun
1. ¿Imarëkurtaq revistakunawan yachatsikuntsik?
1 Sabadokunapam La Atalaya y ¡Despertad! revistakunawan wayin wayin willapäkuntsik. Tsënö kaptimpis këta rurarmi alli shonquyoq nunakunata yachatsir qallëkantsik. Këchö yachatsikïkunam yanapamäshun, wiyakï munaqkunaman kutirnin Enseña librowan yachatsir qallanapaq. Markantsikpaqnö, parlakïnintsikmannö y puntata willapäkonqantsikmannöllam, kë yachatsikïkunata inshishun.
2. ¿Imanöraq Bibliapita yachatsikushwan Enseña libropa qallanan päginankunawan?
2 Qallanan kaq päginakunata inshishun. Wiyaqkunaman kutirmi kënö nishwan: “Haqenqaq revistakunaqa Bibliapitam parlayan. Rikärishun imanir alläpa alli leinan kanqanta”. Leirapushun Isaías 48:17, 18; Juan 17:3, y këpaqno wakin textokunatapis. Tsëpitana, Enseña librota qorirnin kënö nishun:
◼ “Bibliallam rasumpa shumaq kawakïta änimantsik shamoq Patsachö.” 4 y 5 kaq päginankunata rikäratsirmi tapurishwan: “¿Mëqan änikï chämunantaraq rikëta munankiman?”. Enseña librochö akranqampita yacharatsishun huk o ishkë pärrafota, wiyakïta munaqnö kaptenqa.
◼ Hina kënömi nishwan: “Bibliaqa musyatsimantsikmi más sasa tapukïkunata käyinapaq”. Libropa 6 kaq päginanta kicharirmi tapurishwan, mä imëllapis tapukushqakush pärrafopa hawanchö tapukïkunata. Tsëpitana kicharishun respuesta qokoq capïtulota, y yacharatsishun huk o ishkë pärrafota.
◼ Hina ïndicecho capïtulokunatam rikäratsishwan, tsëpitanam tapurishwan mëqanta yachakïta munanqantapis. Tsë capïtulota kicharirnam yacharatsishun Bibliapita imanö yachakuna kanqanta.
3. Revistata haqirnin, ¿imanöraq Bibliapita yachatsikushwan a) kë Patsachö mana alli pasakonqampita parlaptin? b) familiapita parlaptin? c) Bibliaman markäkïpaq parlaptenqa?
3 Visitar qallarlla haqishun huk tapukïta. Yapë kutinapaqnömi yachatsishwan. Revistata haqipurnenqa, kutirnin contestanapaqmi huk tapukïta haqishwan. Imë hunaqpis kutinapaq nimänantsiktam tïrashwan, tsëpeqnam mana qonqashpa kutishwan (Mat. 5:37). Kutirninnam yarpätsishun tapunqantsikta, y käyiratsishunnam Enseña libropa huk o ishkë pärrafonta leirïkur. Huk libron qorishun leishqa qatimänapaq. Kë qateqnin pärrafochömi yachakurishun imata tapupärinapaqpis:
◼ Kë Patsachö mana alli pasakonqampita revistata haqipurnenqa, kënömi nishwan: “¿Musyankiku Patsapaq Dios imata ruramunantapis? Kutimuptïmi kë tapukïpita yachakushun Bibliawan”. Yapë kutirnam inshishwan libropa 4 y 5 kaq päginankunata. Itsa tapurita munashwan: “¿Dios munaptintsuraq llapan mana allikuna pasakun?”. Kutirnam 1 kaq capïtulopa, 7 y 8 kaq pärrafonkunata yacharatsishun.
◼ Familiapaq revista parlaptenqa, manaraq ewkurmi kënö tapurishwan: “Llapan familiachö kaqkuna, ¿imataraq rurayanman kushishqa kawayänampaq?”. Yapë kutirnam yachatsishun 14 kaq capïtulopa, 4 kaq pärrafonta.
◼ Bibliaman markäkïpaq revista parlaptenqa, kë tapukïtam haqirapushwan: “¿Bibliaqa yachatsikun yachaq nunakuna niyanqannöllatsuraq?”. Kutirnam yachatsishun 2 kaq capïtulopa, 8 kaq pärrafonta.
4. ¿Enseña librota mana munaptenqa, imataraq rurashwan?
4 Llapan visitachömi huk tapukïta haqishwan kutirnin yachatsinapaq. Bibliapita yachatsikur allina qallashqa karqa, kuchumpita qallëkur ushanqanyaq yachatsikushun. ¿Enseña librota mana munaptenqa? Imëpis apashwanmi revistankuna, hina willapärishwanmi Bibliapita. Shumaq parlapashqaqa itsa Bibliapita yachakïta munayanqa.
5. ¿Imanir-raq revistakunallatatsu haqishwan?
5 La Atalaya y ¡Despertad! revistakunam, yanapanqa nunakunata Bibliata leiyänampaq. Tsëmi kallpachakushun Bibliapita yachatsikunapaq revistata chaskeqkunawan. Tsënöpam Jesuspa mandakïninta wiyakushun, ‘qateqninkuna kayänampaq’ “yachatsirnin” (Mat. 28:19, 20).