¡Alistakï noviembre killachö ¡Despertadwan! yachatsikunëkipaq!
1 Atskaq nunakunam Bibliapita kënö nishpa tapukuyan: “Nunakuna qellqayashqa kayaptenqa, ¿imanirtaq Diospa Palabran niyan? ¿Imanir-raq Biblia nenqanman markäköman? ¿Allitsuraq kallpachaköman leinäpaq y yachakunäpaq? ¿Mëqan Bibliataraq inshïman?”. Kë tapukïkunatam yaskin noviembre killa kaq ¡Despertad! Y tïtulonqa “¿Se puede confiar en la Biblia?” (¿Bibliaman markäkushwantsuraq?).
2 Markantsikchö llapan nunakunata revistan qonapaq kallpachakushun. Tsëmi, noviembre killachö llapan sabadokuna congregacionwan willapäkoq yarqunëkipaq niriyaq. Revistawan yachatsi kastëkikunata, vecïnïkikunata, trabajaq mayikikunata, profesornikikunata, estudiaq mayikikunata, y Bibliapita yachakï munaqkunatapis. Rantipakoq ëwar o viajarqa, ama qonqëtsu revista apëta. Ancianokunaqa atskallatanam mañakuyashqa ¡Despertad! revistata, mana pishipamänantsikpaq.
3 Estudio biblicota qallë: Revistata chaskikoqkunawan manaraq parlar usharnin, huk tapukïta haqi kutirnin estudio biblicota qallanëkipaq. Kënömi ninkiman: “Yapë kutimurmi kë tapukïta Bibliawan yacharatsïnikita munä, ¿imanö kë Patsa kanantaraq Dios munan?”. Kutirna, Shuyaran folletota apë, y rikäratsi 5 kaq leccionpa, 1 y 2 pärrafonkunata. Hina kënöpis ninkimanmi: “Yapë kutimurnam qamwan parlarita munäman Biblia nenqan cumplikëkanqampita”. Kutirninnam rikäratsinkiman 6 kaq leccionpa, 4 kaq pärrafonta. O kënöpis ninkimanmi: “Wakinnintsikpaqqa alläpa sasaran Biblia nenqanta käyinan. Yapë shamurnam yacharatsïnikita munäman, imata ruranëkipaqpis Bibliata leirnin käyinëkipaq”. Kutirna, rikäratsi Shuyaran folletota y yacharatsi imanö yachakunan kanqantapis.
4 Bibliallachömi këkan Diospa Palabran, tsënöpa alli yachakurnin “salvakunapaq” (2 Tim. 3:15). Llapantsikmi munantsik kushishqa noviembre kaq ¡Despertadwan! yachatsikïta, y atskaq nunakunatam yanapanqa Bibliaman markäkuyänampaq.