Alli yachatsikoq kë: yachakï juk piñashqa nunata imanö contestanëkipaq

Imanirtaq alläpa precisan. Diospita yachatsikunqantsikchöqa respëtuwan chaskikoqkunataqa mëtsikaqtam tarintsik. Tsënö karpis, Jesusqa willakurqannam chikimaqnintsikkuna kanampaq kaqta (Juan 17:14). Tsëmi, imëllapis piñashqa nunakunata tarirqa espantakushwantsu. Tsë pasamashqaqa, Jehovä munanqannömi portakunantsik, porqui pëpa sirweqnin kanqantsiktam rikätsikunantsik (Rom. 12:17-21; 1 Pëd. 3:15). Mana alliman mana chänapaqqa shumaq contestanqantsikmi yanapakunqa. Jinamampis, Jehoväpa markampaq nunakuna allita parlayanqa, tsëmi yanapakunqa yapë yachatseq kutishqapis wiyamänapaq (2 Cor. 6:3).