Yachatsikunantsikpaq herramientantsikkuna
1. ¿Imachötaq cristiänukuna igualantsik artesänukunawan?
1 Artesänukunaqa tukï cläsi herramientakunatam katsiyan. Wakintam utilizäyan precisaq kaqllapaq y wakintanam imëkapaq. Mas yachaq artesänukunaqa mas utilizäyanqan kaq herramientakunatam juk cäjachö imëpis apayan, y tsëtam mas utilizäyan. Bibliapis yachatsikïchö mas kallpachakunapaqmi animamantsik. Tsëmi cada Testïguqa ‘ni imapita mana pengacog’ juk alli trabajaq kanan (2 Tim. 2:15, NTCN). Y noqantsikpaqqa, ¿imataq mas precisaq herramientantsik? Bibliam, tsëtam utilizantsik Jesuspa discïpulun kayänampaq nunakunata yanaparnin (Mat. 28:19, 20). Tsëmi, ‘Diospa Palabranta mana juc pantar’ utilizänapaq kallpachakunantsik. Jinamampis, llapan cristiänukunam yachakunantsik wakin precisaq herramientakunata alli utilicëta, këkunam yanapamäshun rasumpa kaqta yachatsikunantsikpaq (Prov. 22:29).
2. ¿Mëqankunataq kayan yachatsikunantsikpaq mas utilizanqantsik herramientantsikkuna?
2 Yachatsikunantsikpaq precisaq herramientantsikkuna. ¿Ima mas herramientantsikkunataq kapamantsik? Rasumpëpaqa, ¿imatataq Biblia yachatsikun? librum, këtam mas utilizantsik estudiu biblicuta dirigir. Yachëkätsinqantsikta tsë libruwan yachatsir usharirqa, “Dios Yayapa kuyakïninchö imëpis kawakuyë” libruwannam yachatsir qallëkuntsik, tsëmi yanapanqa yachakunqanmannö kawanampaq. Tsëmi kë publicacionkunataqa alli reqinantsik y alli utilizänantsik. Jina herramientantsikkunachöqa katsinantsikmi wakin follëtukunatapis. Tantiyarinapaq, estudiu biblicuta qallanapaqmi yanapamantsik Diospa alli willakïninkuna follëtuqa. Jina markantsikchö ichiklla leyita yachaq nunakunapaq o parlayanqan idiömachö publicacionkuna wallkalla kaptin o mana kaptinqa, Diosta wiyakï o Diosta wiyakï imëyaqpis kawakunëkipaq follëtukunatam utilizashwan. Jina juk allipa utilizanqantsik herramientantsikqa, ¿Pikunataq Jehoväpa munëninta rurëkäyan? follëtum, këmi estudiantikunata yanapanqa Jehoväpa markanta mas reqiyänampaq. Jinamampis, ¿Imanirtaq Bibliapita yachakunkiman?, ¿Imanötaq reunionnïkuna? y ¿Diospa jutin kanku? nishqan vidëukunam alläpa precïsu nunakunata yachatsinantsikpaq, kë vidëukunata alli utilizäshun.
3. ¿Imatataq yachakushun shamoq kaq killa Diospita Yachatsikunapaq höjachö?
3 Shamoq kaq killa Diospita Yachatsikunapaq höjachömi yachakushun, kapamanqantsik yanapakoq publicacionkunata yachëllapa alli utilizänapaq. Alli utilizänapaq kallpachakurninqa, kë textu consejanqantam qatikäshun: “Cuidaquï quiquiqui, y allita yachatsiquï. Tsecunata imepis rurarnenqa, mana allicunapitam salbacunqui, y wiyayäshoqniquicunapis salbacuyanqam” (1 Tim. 4:16).