ALLI YACHATSIKUNAPAQ | DIOSPITA YACHATSIKUNQËKI HÖRA
Alli yachatsikunapaq jipimunqankuna
Jehoväqa alli yachatsikunapaqmi Palabran Bibliata ruratsimushqa (2Ti 3:16). Y ruratsimushqam videukunata, tratädukunata, revistakunata, follëtukunata, librukunata y maskunatapis. Y Bibliata mas entiendinapaq y alli yachatsikunapaqqa kapamantsik Watchtower Library, JW Library®, LLAPAN LEYINA KAQ Watchtower™ y Jehoväpa testïgunkuna yanapakïta ashinapaq neqkunam.
Tsë llapankunata yachakunapaq utilizarqa imëkatam shumaq yachakushun y kushishqam kashun. Bibliata estudiëkätsinqëki nunata tsëkunata utilizänampaq yachatsi. Tsëqa Bibliatam alli entiendinqa y imëkatam yachakunqa.
DIOSTA SIRWIYÄNAMPAQ NUNAKUNATA YANAPARQA KUSHISHQA KASHUN, JEHOVÄ YANAPAMÄNATA CHASKIKURMI: ALLI YACHATSIKUNAPAQ JIPIMUNQANKUNA NEQ VIDEUTA RIKÄRIR, KË TAPUKUYKUNATA CONTESTË:
Rösaqa, ¿ima nirqantan Dios kamanqankunapaq?
¿Mëchötan Rïta ashirqan Rösata alli yachatsinampaq?
Bibliachö yachakunqantsikkunata jukkunata yachatsirqa kushishqam kashun.
¿Imanötan Rïtaqa Rösata yanapanampaq kaqta akrarqan?
Alli yachakunapaq dispunishqa kaqkunachö Rïta yachakunqanqa, ¿imanötan yanaparqan Rösata yanapanampaq?