Estas palabras tienen que estar en tu corazón

Teytakunataqa juk alli mitsikoqtawanmi igualaratsishwan. Juk mitsikoq üshankunata alli cuidaqnömi teytakunapis wamrankunata alli cuidayänan. Porqui wakinqa itsa oqrakar sufriyanqa (Prov. 27:23). ¿Imanötaq teytakuna alli mitsikoq kayanman? Alläpam precisan wamrankunawan cada junaq parlayänan. Tsëta rurarmi, musyayanqa imata pensayanqanta y imata sientiyanqanta (Prov. 20:5). Jina wamrankunapa markäkïninkunatam sinchiyätsiyänan, tsënöpa ni imapis mana ushakätsinampaq (1 Cor. 3:10-15). Estas palabras tienen que estar en tu corazón nishqan vidëum rikätsikun Familiachö Diosta Adorana Hörata rurëqa alläpa precisanqanta. Llapëki familiachö juntu rikäriyë y tsëpitana qateqninchö tapukïkunata contestariyë.

1) ¿Imanirtaq familia Romanqa Jehoväpa kaqta precisaqpaq churëkäyarqantsu? 2) ¿Imanirtaq wawqi Romanqa Familiachö Diosta Adorana Hörata rurar mana alli yarqupukurqan? 3) Biblia ninqannö, ¿imataq mas alli yanapakun wamrakunata wätanapaq? (Deut. 6:6, 7.) 4) ¿Imakunatataq rurashwan familiachö mas shumaq parlakurinapaq? 5) ¿Imakunatataq teytakuna rurayanman wamrankuna alli kayänanta munarqä? 6) ¿Imanötaq familia Vargas yanaparqan familia Romanta? (Prov. 27:17.) 7) ¿Imanötaq teyta kaq alli preparakunman Familiachö Diosta Adorana Höra alli yarqunampaq? 8) ¿Imatataq wawqi Roman rurarqan familianchö imëkapis cambianampaq? 9) ¿Imanirtaq Familiachö Diosta Adorana Hörata imëpis rurashwan? (Efes. 6:4.) 10) Familiachö Diosta Adorana Hörata imanöpayan ruranapaq kaqta willakaramï. 11) Alli kaq rurë precisanqampaq mayor kaq tsurinta Tomas parlapaptin, ¿imanirtaq alli karqan cläru kanqan y mana piñakunqan? (Jer. 17:9.) 12) ¿Imanötaq Tomaswan Mönicaqa warmi wamranta yanapayarqan Justin jövinwan mana sïguinampaq? (Mar. 12:30; 2 Tim. 2:22.) 13) ¿Imanötaq Tomaswan Mönica Diosman markäkuyanqanta rikätsikuyarqan? (Mat. 6:33.) 14) ¿Imanötaq familianta dirigeqkunata kë vidëu yanapan Diospa kaqchö familiankunata cuidayänampaq? (1 Tim. 5:8, NM.) 15) ¿Imata rurayänampaqtaq decidïdu këkäyanman familianta dirigeqkuna?

TEYTAKUNAPAQ WILLAKÏKUNA: 2011 wata jatun asamblëachö kë actuacionta rurayämunqanchöqa, ¿cuentata qokuyarqëkiku Familiachö Diosta Adorana Hörata rurayanqëkita mas alliyätsiyänëkipaq kaqta? Jina kë vidëuta rikärirqa, ¿cuentata qokurqunkiku imakunachö mas alliyëta puëdiyanqëkita? Jehoväta mañakï cambiukunata ruranëkipaq kaqchö yanapashunëkipaq, tsënöpa familiëki salvakunampaq (Efes. 5:15-17).