Alli yachatsikoq kanapaqqa alleqmi preparakunantsik

Ishkë kutim Jesusta tapuyarqan mana wanushpa kawakïpaq. Y Jesusqa yachëpam contestarqan nunakuna musyëta munayanqanmannö (Lüc. 10:25-28; 18:18-20). Tsënöllam noqantsikpis, yachatsinantsikpaq kaqta alleq musyarpis, puntallapitana preparakunantsik estudianti wananqanmannö yanaparinapaq. ¿Mëqan yachatsikïkunataq pëpaq alläpa difïcilnö entiendinampaq o ruranampaq? ¿Yachakïkanqantsik pärrafuchö mëqan textukunatataq leyirapushwan? ¿Ëka pärrafutataq yacharatsishwan? Itsa yarpachakushwan ima igualatsikïkunawan, ima mas yachatsikïkunawan o ima tapukïkunawan maslla entiendiratsinapaq kaqta. Peru Jehovämi nunakunapa shonqunchö muru cuenta yachatsikïtaqa winatsin. Tsëmi alläpa precisan Jehoväta mañakunantsik estudiantita yanapëkunampaq, puntallapitana preparakunqantsikta y yachatsinantsikrëkur kallpachakunqantsikchö yanapëkamänapaqpis (1 Cor. 3:6; Sant. 1:5).