Yachatsikun libruta alli utilizäshun

Estudiantikuna Bibliapita yachakur kawëninkunachö rurar qallayanqanmannömi rikätsikuyan Jehoväpa kaqchö poqïkäyanqanta (Sal. 1:1-3). Yachatsikun libru imanö rurashqa kanqanta alli utilizarqa, Jehoväpa kaqchö mas poquyänampaqmi yanapëta puëdishun.

Qallananchö tapukïkuna. Cada capïtulupa qallananchömi tapukïkuna kan y tsëtaqa tsë capïtuluchömi yachatsikun. Tsë tapukïkunataqa rurëta puëdintsikmi, peru manam estudianti contestamunampaqtsu, sinöqa yachakïta mas munanampaqmi. Juknöpaqa jina cada tapukïkunatam rurarishwan pensanqanta parlakaramunampaq. Y mana alli contestaramuptinqa, manam tsë höratsu mana alli contestamunqanta nirishwan, porqui tsënö parlakaramunqanmi yanapamäshun imakunachö yanapanapaq kaqta musyanapaq (Prov. 16:23; 18:13).

Apéndice. Yachatsinqantsik capïtuluta estudianti alli entiendiptinqa, tsë yachatsikïpaq parlaq apéndice nishqanta leyirinampaqmi animarishwan. Yapë watukarnam leyinqampita juk ishkë tapukïkunata rurarishwan entiendinqanta segurakunapaq. Peru apéndice nishqampita yachatsinantsik precisaptinqa, yachatsinqantsik hörapitam tsëpaq tiemputa rakirishwan. Pärrafukunata leyirirmi, puntallapita preparakurnin alistanqantsik tapukïkunata rurarishwan.

Yarpänapaq recuadru. Cada capïtulupa ushananchömi “Biblia yachatsikonqan” recuadru kan, y tsëchömi capïtulupa qallananchö këkaq tapukïkunapa respuestan këkan. Tsëkunata estudiantiwan yarpärirmi, musyashun precisaq yachatsikïkunata entiendinqanta y tsëpita alli entienditsikïta puëdinqanta. Tsëchö respuestakunata y textukunata estudiantiwan leyirir, niri tsëchö respuestakuna rasumpa kanqanta cada textu imanö rikätsikunqanta parlakaramunampaq (Hëch. 17:2, 3; NTCN).