ÖRUTANÖ BIBLIACHÖ ASHINAPAQ | ISAÏAS 34-37
Ezequïasqa markäkunqanrëkurmi bendicishqa karqan
Asiriapa reynin Senaqueribqa, judïukuna mana pelyashpa entregakuyänantam munarqan, y tsëta ninampaqqa Rabsaquëtam Jerusalenman kacharqan. Jinamampis, imëkatam niyarqan judïukuna entregakuyänampaq.
Manam pimampis qaqäyarqantsu. Egiptuman qaqëqa manam judïu nunakunata yanapanmantsu karqan (Isa 36:6).
Següru mana kayanqan. Pëkunawan piñashqalla karnin Jehovä mana salvanampaq kaqtam creitsitam munayarqan (Isa 36:7, 10).
Mantsakätsiyanqan. Asiriapa puëdeq tröpanta imanöpapis vencita mana puëdiyänampaq kaqtam Rabsaquëqa nirqan (Isa 36:8, 9).
Creitsita munayanqan. Mana pelyashllapa entregakuyaptinqa, kawëninkuna alliyänampaq kaqtam niyarqan (Isa 36:16, 17).
Ezequïasqa Jehovämanmi chipyëpa markäkurqan (yärakurqan)
Tukïnöpam kallpachakurqan atacayaptin listu këkäyänampaq.
Jehoväpa yanapakïnintam mañakurqan y wakinkunatapis tsënölla rurayänampaqmi animarqan.
Jehoväman Ezequïas markäkunqanrëkurmi, Jehoväqa juk angelninwan juk paqasllachö pachak puwaq chunka pitsqa waranqa (185.000) asiriu soldädukunata wanuratsirqan.