Limpiu kaqkunatam Jehovä kuyan

Mëtsikaq teytakunam wamrankuna limpiu kayänanta munar makinkuna paqëta (awïta), cuartunkuna limpiëta y shumaq pitsapakïtapis yachatsiyan. Y masqa Teytantsik Jehovämi limpiu nuna kanata munan (Ex 30:18-20; Dt 23:14; 2Co 7:1). Jehoväta kuyanqantsiktaqa rikätsikuntsik shumaq paqakur, wayintsikta y imëkantsikkunata imëpis limpiullata katsirmi (1Pë 1:14-16). Wayintsikqa, ¿limpiuku këkan? Wakin nunakunaqa pläzakunaman y nänikunamanmi imëka basürata jitayan, peru Diosta sirweqkunaqa kë patsa limpiu kanampaqmi kallpachakuntsik (Sl 115:16; Rev 11:18). Diospa sirweqnin kanqantsiktaqa rikätsikuntsik, imëkachö limpiu kanäpaq yanapakurmi, tsëtaqa rurantsik bolsakunata, papelkunata y botëllakunata mana mëmampis lluta jitarmi (2Co 6:3, 4).

LIMPIU KAQKUNATAM JEHOVÄ KUYAN NEQ VIDEUTA RIKÄRIR, KË TAPUKÏKUNATA CONTESTARIYË:

• ¿Imanirtaq wakinkunaqa limpiu këta jaqiyan?

• ¿Imanötaq Moises qellqanqan leykunaqa, limpiu këpaq imata Jehovä pensanqanta yachatsimantsik?

• ¿Imanötaq Jehoväta alabashwan ruranqantsikkunawan?