Jehovä mandamanqantsikkunata cäsukushun

Jutsankunata mana dejëta munaqkunata congregacionpita qarquyanqanqa, wawqi panikunatam yanapan y kikin jutsa ruraqtapis arrepentikunampaqmi yanapan (1Co 5:6, 11). Pillapis congregacionpita qarqushqa kaptinqa, familiankuna y wawqi panikunam llakikuyan. Tsëqa, ¿imanirtan nintsik kuyakoq kanqantsikta?

Congregacionpita qarqushqakunawan mana juntakurninqa, Jehoväta kuyanqantsikta y mandamanqantsikkunata cäsukunqantsiktam rikätsikuntsik (1Pë 1:14-16). Y congregacionpita qarqushqakunata kuyanqantsiktapis rikätsikuntsikmi. Rasumpa kaqchöqa llakikuypaqmi pitapis congregacionpita qarquyanqanqa, tsënö kaptimpis “yamë këta y alli kaqta ruraq këtam apamun” (Heb 12:5, 6, 11). Congregacionpita qarqushqakunawan o kikinkuna munar yarqukurishqa kaqkunawan parlar sïguishqaqa, manam rikäyanqatsu Jehovä yanapëkanqanta. Yarpäshun, Jehoväqa ‘jutsata ruranqantsikmannömi castigamäshun’ (Jer 30:11). Congregacionpita qarqushqa kaqkuna Jehoväman kutiyämunanta shuyaranqantsikyaqqa, reunionkunaman ëwar y Diospita yachatsikurnin sïguikäshun (Isa 1:16-18; 55:7).

IMA PASAKUPTIMPIS JEHOVÄLLATA SIRWISHUN NEQ VIDEUTA RIKÄRIR, KË TAPUKUYKUNATA CONTESTË:

• 

  ¿Imanötan teytakuna sientikuyan wamrankuna Jehoväta dejariyaptin?

• 

  Wawqi panikunaqa, ¿imanötan yanapayanman congregacionpita qarqushqa kaqkunapa familiankunata?

• 

  Familiantsikpitapis Jehoväta mas kuyanapaqqa, ¿Bibliachö pikunapaq willakunqantan yanapamantsik?

• 

  ¿Imanötan rikätsikuntsik familiantsikpitapis mas Jehoväta kuyanqantsikta?