¿Ishkë killa duraq escuëlaman ëwëta munankiku?

Ishkë killa duraq escuëlaman ëwëta munarqa 23 a 65 watayoqmi kanëki juk solicitudta llenanëkipaq. Y alli saloryoqmi kanëki, precursormi kanëki y mëchöpis yachatsikoqta wanayanqanman ëwanëkipaqmi listu këkänëki. Kë escuëla qallanqampitaqa, mëtsikaq soltëru wawqi panikuna y casädu wawqi panikunam ëwayashqa. Tsënö kaptimpis soltëru wawqikunatam tsë escuëlaman ëwayänampaq masqa wanayan. Tsë escuëlaman ëwëta munarqa Jehovä Diosman mañakuy yanapakuyta puëdinëkipaq y Jesusnö mas yachatsikuyta munanëkipaq (Sl 40:8; Mt 20:28; Heb 10:7). Y mas wallka tiempullapa trabajanëkipaq o juk rurënikikunachö tiempuykita shumaq patsätsi tsë escuëlaman ëwanëkipaq.

Tsë escuëlaman wakin ëwashqa wawqi panikunaqa, juk idiömata parlaq sitiukunachö yachatsikurnin y cällikunachö carrïtukunawan yachatsikurninmi yanapakuyan. Wakinkunaqa congregacionkunata watukaq wawqita yanaparnin o congregacionkunata watukarmi yanapakuyan, y wakinkunaqa juk nacionkunachömi Diospita yachatsikur yanapakuyan. Teyta Diospita maslla yachatsikuyta munarqa Isaïas kënö ninqanman yarpë: “Këchömi këkä, Teytallä. Noqallächi ëwashaq” (Isa 6:8).

JUK NACIONKUNACHÖ YANAPAKOQKUNA: YACHATSIKOQKUNATA WANAYANQANKUNACHÖ YANAPAKUYAN NEQ VIDEUTA RIKÄRIR KË TAPUKUYKUNATA CONTESTË:

• 

  Juk nacionchö yanapakuyänampaq wawqi panikunataqa, ¿imanötan akrayan?

• 

  Juk nacionchö yachatsikoq wawqi panikunaqa, ¿imanötan yanapakuykäyan?

• 

  Juk nacionkunachö yanapakoq wawqi panikunaqa, ¿ima bendicionkunatatan chaskiyashqa?